Raisi: Sanksiýalaryň ýatyrylmagy, tassyklanylmagy we ygtybarly kepillik şertnamanyň esasy ýörelgeleridir
Eýran Yslam Respublikasynyň Prezidenti, Fransiýa Respublikasynyň prezidenti bilen telefon arkaly söhbetdeşlikde sanksiýalaryň ýatyrylmagynyň, tassyklanylmagynyň we ygtybarly kepilligiň şertnamanyň esasy ýörelgeleridigini aýtdy.
Prezidentiň maglumat merkeziniň beren habaryna görä; Eýran Yslam Respublikasynyň prezidenti Seýed Ybraýym Raisi şenbe güni agşam Fransiýanyň prezidenti Emmanuel Makron bilen telefon arkaly söhbetdeşlikde Amerikanyň Birleşen Ştatlarynyň iň ýokary basyş syýasatynyň şowsuzdygyny tassyklaýandygyny aýtmak bilen gepleşik prosesinde Eýran Yslam respublikasy ylalaşyga gelmek islegini we çynlakaýlygyny görkezdi we beýleki tarapyň bu meselede edýän islendik tagallasy sanksiýalaryň ýatyrylmagyny, tassyklanylmagyny we kepillendirilmegini öz içine almalydyr diýdi.
Raisi şeýle-de sebitdäki durnuklylyga we howpsuzlyga daşarky gatyşyklar däl-de, eýsem diňe sebitara çözgütler arkaly ýetip boljakdygyny nygtamak bilen Halkara jemgyýetçiliginiň Ýnemendäki gumanitar krizise we bu ýurduň ezilen halkynyň gabawynyň ýatyrylmagyna ünsi çekdi.
Fransiýanyň prezidenti Emmanuel Makron hem şu telefon söhbetdeşliginde Eýran Yslam Respublikasynyň ABŞ-a ynanmazlyk hukugynyň bardygyny, sebäbi krizise sebäp bolan ABŞ bolandygyny aýtdy.
Şeýle hem Emmanuel Makron Ýemen halkyna garşy harby agressiýany, esasanam soňky hüjümleri ýazgardy.
Sebitdäki özgerişler, şol sanda Liwandaky ýagdaý, Eýranyň we Fransiýanyň prezidentleriniň arasynda ara alnyp maslahatlaşylan beýleki meseleler boldy.