Amir Abdullahian: Beýleki tarap gepleşiklerde amaly erkini görkezmeli
Eýran Yslam Respublikasynyň Daşary işler ministri Birleşen Milletler Guramasynyň Baş sekretary bilen duşuşygynda şeýle diýdi: Beýleki tarap gepleşiklerde amaly erkini görkezmelidir diýdi.
Eýranyň Daşary işler ministri Huseýin Amir Abdullahian, Mýunheniň howpsuzlyk konferensiýasynyň çäginde BMG-nyň Baş sekretary Antonio Guterreş bilen geçiren duşuşygynda ýadro gepleşiklerindäki ösüşleriň gowydygyny nygtap Eýranyň hak hukuklarynyň we bähbitleriniň üpjün bolmagy üçin beýleki taraplaryň yradaly bolmalydygyny isledi.
Amir Abdullahian sözüniň dowamynda giňişleýin hökümetiň gurulmagyny we Owganystandaky ähli syýasy toparlaryň bu ýurduň meselelerini çözmäge gatnaşmagynyň möhüm we örän täsirlidigini aýtdy.
Eýranyň Daşary işler ministri şeýle-de Owganystandan Eýrana bosgunlaryň köp gelmeginiň dowam edýändigini yşarat edip terrorçylygyň, bosgunlaryň we sebitiň we dünýäniň durnuklylygyna we howpsuzlygyna täsir edýän neşe serişdelerini öndürmek we satmak ýaly erbet hadysalaryň ýaýramagy sebäpli bu ýurda abanýan howplara gynanýarys diýdi.
Amir Abdullahian şeýle-de Ýemen meselesi möhüm bir nokada ýetdi we krizisi syýasy taýdan çözmek we Ýemende gumanitar betbagtçylygyň dowam etmeginiň öňüni almak üçin edilýän tagallalar iň ýokary derejä ýetmeli diýdi.
Duşuşykda BMG-nyň Baş sekretary Antonio Guterreş hem şeýle diýdi: Biziň hemmämiz gepleşik geçirýän taraplar tarapyndan kabul edilen şertnamanyň gysga wagtda durmuşa geçirilmegine we Eýranyň bähbitlerine hyzmat etmek üçin ähli taraplaryň ylalaşygyna sabyrsyzlyk bilen garaşýarys diýdi.
