Eýran, Ukrainadaky krizisiň syýasy ýoldan çözülmegini nygtady

Eýranyň Daşary işler ministri Ukrainadaky krizise syýasy çözgüt tapmagyň zerurdygyny aýtdy.

Eýranyň Daşary işler ministri Huseýin Amir Abdullahian Halkara Gyzyl Haç komitetiniň başlygy Piter Maurer bilen telefon arkaly söhbetdeşlikde uruş çözgüt ýol däldir we Ukraina krizisiniň ilkinji sagatlaryndan başlap, Eýran Yslam Respublikasy Eýranyň raýatlaryny goldamak we krizis sebitlerinde ýagdaýlaryny çözmek üçin tagallalaryny başlady diýdi.

Amir Abdullahian, Halkara Gyzyl Haç Komitetiniň bütin dünýäde kömek we ynsanperwer kömegini bermek ugrundaky tagallalaryna ýokary baha bermek bilen Ýemendäki we Owganystandaky gumanitar ýagdaýy kyn diýip häsiýetlendirdi we bu sebitlere ynsanperwer kömegini ibermegiň we bu ýurtlardaky adamlaryň çekýän azaplaryny azaltmagyň zerurdygyny aýtdy.

Piter Maurer hem, Eýranyň Daşary işler ministri bilen geçirilen gepleşiklerden hoşaldygyny aýtdy we ynsanperwer kömegini bermek, öldürilen esgerleri alyş-çalyş etmek we uruş ýesirlerine girmek meselesinde rus we ukrain resmileri bilen geçiren maslahatlaryna ünsi çekdi we Ukrainadaky ýagdaýyň kyn bolandygyny aýtdy.