Amir Abdullahian Tähran bilen Bakuwyň arasyndaky uçuşlaryň sanynyň köpeldilmegini nygtady

Eýranyň Daşary işler ministri Tähran bilen Bakuwyň arasyndaky gatnawyň köpelendigini göz öňünde tutup, iki ýurduň arasyndaky gury ýer serhedini açmagyň we Eýranyň ykdysady we energiýa gatnaşyklaryny giňeltmäge taýýardygyny aýtdy

IRNA habar gullugynyň habaryna görä, Eýranyň Daşary işler ministri Huseýin Amir-Abdullahian we Azerbaýjanyň Daşary işler ministri Jeýhun Baýramow telefon arkaly söhbetdeşlikde iki ýurduň arasyndaky ikitaraplaýyn hyzmatdaşlygyň ösüşi we sebitleýin özgerişi barada pikir alyşdylar.

Amir Abdullahian bu söhbetdeşlikde diplomatik gatnaşyklaryň 30 ýyllygyny hatyralap: iki ýurduň arasyndaky gatnaşyklar indi ösüş depginine ýetdi diýdi.

Ol şeýle-de Günorta Kawkaz sebitindäki wakalar barada durup geçip, iki ýurduň umumy maksadynyň sebitde durnuklylyk we parahatçylykdygyny aýtdy we iki ýurduň, Azerbaýjan Respublikasynyň we Ermenistan Respublikasynyň arasynda galan meseleleriň öňdengörüjilik we daşary ýurt gatyşmasyzlyk bilen çözülmegini umyt etdi.

Amir Abdullahian ýakyn geljekde bilelikde Eýran-Azerbaýjan Ykdysady Komissiýasynyň geçirilmegine ünsi çekip, Eýran tarapynyň bu komissiýadan oňyn netijeleri gazanmak üçin çynlakaýdygyny aýtdy.

Bu telefon söhbetdeşliginde Azerbaýjan Respublikasynyň Daşary işler ministri soňky aýlarda hyzmatdaşlygyň ösmegine kanagatlanma bildirdi we Tähran-Baku gatnaşyklarynyň 30 ýyllygy mynasybetli iki ýurduň bilelikdäki ykdysady komissiýasynyň geçirilmegini garşy aldy.

Jeýhun Baýramow, Eýran Yslam Respublikasynyň ýollar ministriniň Bakuwdaky saparyna ünsi çekip, muny iki goňşy ýurduň arasyndaky gatnaşyklaryň alamaty hökmünde häsiýetlendirdi we ýurdunyň ykdysady şertnamalary durmuşa geçirmäge doly taýýardygyny aýtdy.