Amir Abdullahian: Eýran gowy, güýçli we dowamly ylalaşyga gelmäge doly taýýar
Eýran Yslam Respublikasynyň Daşary işler ministri Huseýn Amir Abdullahian Kataryň Daşary işler ministri Muhammet bin Abdul Rahman Al-Sani bilen Wena gepleşikleri barada telefon arkaly söhbetdeşlikde eýran halkynyň bähbitlerine we Yslam respublikasynyň gyzyl çyzyklaryna üns bermelidigini aýtmak bilen Tähranyň gowy, güýçli we dowamly ylalaşyga gelmäge doly taýýardygyny aýtdy.
8-nji fewralda Wenada başlanan Eýrana garşy zulumly we bikanun sanksiýalaryň ýatyrylmagyna bagyşlanan gepleşikleriň sekizinji tapgyry anna güni (11-nji mart) näçinji gezek arakesmä girdi.
Fars habar gullugynyň habaryna görä Kataryň Daşary işler ministri Eýranyň Wena gepleşiklerinde döredijilikli roluna ýokary baha berdi we ähli taraplaryň ylalaşyk gazanmagynyň zerurdygyny aýtdy.
Bu telefon söhbetdeşliginde Eýranyň we Kataryň Daşary işler ministrleri ikitaraplaýyn gatnaşyklaryň ösmegini yzarlamak, şeýle hem sebit we halkara arenalarynda umumy alada döredýän meseleler boýunça pikir alyşmagyň iki ýurduň arasynda yzygiderli maslahatlaşmagyň möhümdigini aýtdylar.
Eýran Yslam Respublikasynyň Daşary işler ministri Huseýin Amir Abdullahian duşenbe güni agşam Yragyň Daşary işler ministri Fouad Huseýn bilen telefon arkaly söhbetdeşlikde hem Eýranyň gowy, güýçli we dowamly ylalaşyk gazanmak isleýändigini aýtmak bilen Amerika öz toslaýan hoşniýetliligini iş ýüzünde görkezmelidir diýdi.