Hatibzadeh: Yslam hyzmatdaşlyk guramasy sionist režimiň yslam dünýäsine aralaşmagynyň öňüni almalydyr

Yslam Hyzmatdaşlyk Guramasynyň daşary işler ministrleriniň ýygnagyndaky Eýran Yslam Respublikasynyň wekili Yslam hyzmatdaşlygy guramasy, sionist režimiň yslam dünýäsine aralaşmagynyň öňüni almalydyr diýdi.

IRNA habar gullugynyň habaryna görä, şu gün (çarşenbe) Yslam hyzmatdaşlygy guramasynyň daşary işler ministrleriniň ýygnagynda Eýranyň wekili "Said Hatibzadeh" Yslamabatda Yslam Hyzmatdaşlyk Guramasyna agza ýurtlaryň daşary işler ministrleriniň 48-nji ýygnagynyň ikinji gününde çykyş edip Sionist režimiň hilegär syýasatlary we ony goldaýan Amerikanyň Birleşen Ştatlarynyň gatnaşyklary kadalaşdyrmak syýasatyny yslam ýurtlary bilen öňe sürmekde alyp barýan aldawly syýasaty guramanyň käbir agzalary tarapyndan garşylandy we bu mesele Yslam ymmatynyň jebisligi we gülläp ösmegi bilen gyzyklanýanlar üçin uly howpdyr diýdi.

Hatibzadeh sözüniň dowamynda: Ahli palestinalylaryň ata-baba topraklaryna gaýdyp gelmegi we Mukaddes Kudsyň hemişelik paýtagtynda garaşsyz Palestina döwletiniň döremegi iň ileri tutulýan ugur hökmünde kabul edilmelidir we bu belent maksada ýetmek ähli çäreleriň üns merkezinde bolmalydyr diýip yglan etdi.

Hatibzadeh, şeýle hem palestinalylaryň iň aç-açan esasy adam hukuklaryndan mahrum edilendigini aýtdy.

Eýran Yslam Respublikasynyň wekili şeýle-de Eýranyň, Owganystanyň halkyna doly goldaw we duýgudaşlyk bildirmek bilen, wagtlaýyn dolandyryş guramasyny giňişleýin hökümet gurmaga we aýal-gyzlaryň we çagalaryň hukuklaryna hormat goýmak ýaly halkara derejesinde ykrar edilen borçnamalary ýerine ýetirmäge çagyrýar diýdi.

Eýran Yslam Respublikasynyň wekili sözüni dowam etdirip Eýran, Siriýanyň halkynyň doly howpsuzlygyny we abadançylygyny üpjün etmegiň zerurlygyny goldamak bilen, sionist režimiň Siriýa guran harby hüjümlerini berk ýazgarýar diýdi.