Amir Han Mottaqi Eýranyň Daşary işler ministri bilen duşuşdy

Talybanyň wagtlaýyn hökümetiniň daşary işler ministri Hytaýyň Tunşi şäherinde Owganystanyň goňşularynyň daşary işler ministrleriniň mejlisiniň çäginde Eýranyň daşary işler ministri bilen duşuşdy.

Eýranyň, Päkistanyň, Hytaýyň, Türkmenistanyň, Özbegistanyň, Russiýanyň, Täjigistanyň we Kataryň daşary işler ministrleriniň we resmileriniň gatnaşmagynda Owganystanyň goňşularynyň üçünji duşuşygy çarşenbe güni Hytaýyň Tunşi şäherinde başlandy we şu gün (penşenbe) tamamlanýar.

Fars habar gullugynyň habaryna görä, Talyban wagtlaýyn hökümetiniň Daşary işler ministri Amir Han Mottaqi penşenbe güni Eýran Yslam Respublikasynyň Daşary işler ministri Huseýin Amir Abdullahian bilen duşuşyp, dürli meseleler barada pikir alyşdy.

Amir Abdullahian mundan ozal Owganystanyň goňşularynyň daşary işler ministrleriniň mejlisiniň çäginde Russiýanyň Daşary işler ministri Sergeý Lawrow, Özbegistanyň premýer-ministriniň orunbasary Omar Razzakow, Kataryň Daşary işler ministri Muhammet bin Abdul Rahman Al Sani, Pakistanyň Daşary işler ministri Şah Mahmud Kureşi, Türkmeniň Daşary işler ministri we Indoneziýanyň Daşary işler ministri bilen duşuşyp olar bilen pikir alyşypdy.