Rewolýusiýanyň ýokary derejeli lideri: Içerki mümkinçiliklere üns bermek sanksiýa ýaragyny güýçden düşürer

Yslam rewolýusiýasynyň ýokary derejeli lideri sanksiýalary ýurtlara garşy eziji güýçleriň ýaragy diýip atlandyrdylar we içerki güýçlere we mümkinçiliklere üns bermek sanksiýalaryň ýaragyny güýçden düşürer diýdiler.

Yslam rewolýusiýasynyň ýokary derejeli lideri Aýatolla Hameneýi Hezretleri şu gün (duşenbe) Täjigistanyň prezidenti Emomali Rahmon we  wekiliýeti bilen geçirilen duşuşykda Eýran bilen Täjigistanyň arasyndaky çuňňur taryhy, dini, medeni we dil taýdan meňzeşliklere ünsi çekmek bilen iki ýurdy dogan we garyndaş hasapladylar.

Aýatolla Hameneýi Hezretleri, Eýranyň dürli howa şertlerini, giň ýerleri we düzlükleri, ylmy, tehnologiki we senagat ösüşlerini we Eýranda bilim esasly kompaniýalary, şeýle hem Täjigistanda bol suw we giň magdanlary bilelikde hyzmatdaşlygy ösdürmegiň esaslary hökmünde agzap: Sanksiýalara garamazdan, Eýran Yslam Respublikasy dürli ugurlarda gowy öňegidişlik gazandy we sanksiýalar bolmadyk bolsa, bu gowulaşmalar gazanylmazdy, sebäbi sanksiýalar içerki güýçlerimize we mümkinçiliklerimize daýanmagymyza baryp çatdy diýdiler.

Yslam rewolýusiýasynyň ýokary lideri, Eýranyň Täjigistana kömek etmek üçin tehniki we inženerçilik, senagat we ylmy mümkinçiliklerine baha bermek bilen bu mümkinçiliklerden peýdalanmak we hyzmatdaşlygy çynlakaý giňeltmek üçin Bilelikdäki komissiýa gol çekilen resminamalaryň hemmesini iş meýilnamasyna çynlakaý meýilleşdirmeli diýip beýan etdiler.

Hezretleri şeýle hem, Eýran bilen Täjigistanyň arasyndaky hyzmatdaşlygyň we ylalaşygyň ugurlarynyň biriniň sebitleýin meseleler, esasanam Owganystandaky ýagdaýdygyny aýtmak bilen Eýran bilen Täjigistan Owganystan barada umumy aladalary bardyr, iki ýurt hem terrorçylygyň ýaýramagy we takfiri toparlarynyň köpelmegi barada alada edýärler we häzirki wagtda Owganystanda häkimiýet başynda oturan jenaplaryň ähli toparlary öz içine alýan giňişleýin hökümetiň döredilmegine ynanýarys diýdiler.

Yslam rewolýusiýasynyň ýokary derejeli lideri, şeýle hem Eýranyň Ýaragly Güýçleriniň Baş ştabynyň başlygynyň Täjigistana eden saparyna we uçarmansyz howa zawodynyň açylyşyna ünsi çekip şeýle hyzmatdaşlygyň möhümdigini aýtmak bilen häzirki wagtda uçarmansyz howa ulaglary ýurtlaryň howpsuzlygynda möhüm faktor bolup durýandygyny nygtadylar.

Täjigistanyň prezidenti Emomali Rahmon hem, Tähranda bolmagyndan we Yslam Rewolýusiýasynyň Ýolbaşçysy bilen duşuşygyndan kanagatlanýandygyny aýtdy we Eýranyň prezidenti bilen geçiren gepleşiklerine ünsi çekip şeýle diýdi: Söwda, ykdysady we senagat gatnaşyklary ýaly dürli ugurlarda gowy gepleşikler geçirildi we gol çekilen resminamalara görä, hem-de siziň ýol görkezmegiňiz bilen iki ýurduň arasyndaky gatnaşyklar hasam giňeler diýip umyt edýäris diýdi.

Rahmon, esasanam Owganystan we terrorçylygyň ýaýramagy bilen baglanyşykly howpsuzlyk aladalaryny iki ýurduň arasyndaky möhüm meseleler hökmünde sanap şeýle diýdi: Biz Owganystanda parahatçylygyň we durnuklylygyň we ähli etnik toparlaryň gatnaşmagynda giňişleýin hökümetiň bolmagyny isleýäris we Eýran bilen Täjigistanyň arasyndaky howpsuzlyk hyzmatdaşlygyny ýokarlandyrmak arkaly aladalary ýeňip geçer diýip umyt edýäris.