Hatibzadeh: Dolandyryjylar geňeşiniň Eýrana garşy kararyna aýgytly jogap beriler

Eýranyň Daşary işler ministrliginiň metbugat sekretary, Halkara Atom Energiýasy Guramasynyň (IAEA) Dolandyryjylar Geňeşinde Eýrana garşy karary çykaranlara duýduryşy berip olaryň bu hereketlerine Eýranyň berjek jogaby aýgytly we proporsional bolar diýdi.

Eýrana garşy ABŞ-Ýewropa üçlüginiň karary Hytaýyň we Russiýanyň berk garşylygyna garamazdan, Halkara Atom Energiýasy Guramasynyň (IAEA) Dolandyryjylar Geňeşiniň möwsümleýin mejlisinde kabul edildi. Ses berişlikden soň bu karar 30 oňýn ses, 2-garşy ses (Russiýa we Hytaý) we 3 saklanan ses (Hindistan, Liwiýa we Pakistan) bermek bilen tassyklandy.

IRNA-nyň habaryna görä, Said Hatibzadeh Halkara Atom Energiýasy Guramasynyň Eýrana garşy kararyna penşenbe güni irden twit ýazyp: Amerikanyň Birleşen Ştatlary we Ýewropa ýurtlarynyň üçüsi, dünýäde iň aç-açan parahatçylykly ýadro programmasy bolan bir ýurda garşy ýalňyş hasaplamak we ýalňyş maglumatlar esasyndaky kararlaryny duşmançylykly hasaplady.

Eýranyň Daşary işler ministrliginiň metbugat sekretary sözüniň dowamynda: Bu rezolýusiýany esaslandyranlar netijelere gönüden-göni jogapkärçilik çekrler diýmek bilen Eýranyň berjek jogaby aýgytly we proporsional bolar diýdi.

Bu, Halkara Atom Energiýasy Guramasynyň (IAEA) Dolandyryjylar Geňeşi tarapyndan Sionist  režimiň basyşy astynda ýadro şertnamasy durmuşa geçirilenden soň Eýrana garşy ikinji karardyr.

Amerikanyň Birleşen Ştatlarynyň we Sionist režimiň ýolbaşçylygyndaky Günbatar ýurtlary soňky ýyllarda Eýrany ýadro maksatnamasynda harby maksat edinmekde aýypladylar.

Eýran bu aýyplamalary düýbünden ret etmek bilen ýadro ýaraglaryny ýaýratmazlyk şertnamasyna (NPT) gol çeken we Halkara Atom Energiýasy Guramasynyň agzasy hökmünde parahatçylykly maksatlar üçin ýadro tehnologiýasyny edinmäge hukugynyň bardygyny öňe sürýär.