Kanani: Baýdeniň Eýran baradaky sözleri Waşingtonyň pitneçi syýasatyna laýyk gelýär

Eýranyň Daşary işler ministrliginiň metbugat sekretary, ABŞ-nyň prezidentiniň Günbatar Aziýa sebitine eden sapary wagtynda Eýran Yslam Respublikasyna garşy çap edilen käbir aýyplamalary we toslamalary, şol sanda Jidda ýygnagynda eden çykyşlaryny ret etmek we esassyz hasaplamak bilen bu ýalan talaplar Waşingtonyň sebitdäki pitneçi we dartgynlylygy döredýän syýasatyna laýyk gelýär diýdi.

IRNA habar gullugynyň habaryna görä, Nasser Kanani ýadro bombalaryny ulanan ilkinji ýurt, sebit ýurtlarynyň içerki işlerine yzygiderli gatyşmak, harby basyp alyş we agressiýa, ýaraglaryň köpçülikleýin satylmagy we sebitde militarizmi ýaýratmak baradaky Amerikanyň taryhyna yşarat edip Amerika Eýran-fobiýanyň şowsuz syýasatyna ýene bir gezek ýüz tutup sebitde dartgynlygy we krizisi döretmäge synanyşýar diýip yglan etdi.

Ol şeýle hem, ABŞ-nyň hökümetiniň basyp alýan Sionist režimine onlarça ýyllap köre-körlik we çäksiz goldaw berýändigine salgylanyp şübhesiz, Amerikan hökümeti Palestina topragyny we Şerif Kuds basyp almagy dowam etdirmekde we bu režimiň palestinalylara garşy gündelik jenaýatlarynda we bu ezilen we çydamly Palestina halkyna garşy adam hukuklarynyň yzygiderli bozulmagynda esasy hyzmatdaşdyr diýdi.

Eýranyň Daşary işler ministrliginiň metbugat sekretary Eýran Yslam Respublikasynyň halkara kanunlarynyň we düzgünleriniň çäginde parahatçylykly ýadro tehnologiýasyny ulanmak we sanksiýalary ýatyrmak baradaky gepleşikleriň dowam etdirilmegi ugrundaky strategiki syýasatyna ünsi çekip Amerikanyň Eýran Yslam Respublikasynyň parahatçylykly ýadro programmasy baradaky ýalan aýyplamalary we bu ýuruň, Sionist režim tarapyndan ýadro ýarag ýaýratmazlyk şertnamasynda agza bolmadyk we sebitdäki iň uly ýadro ýaragynyň eýesi bolýan režim hökmünde onlarça ýyllap aldawyny görmezlik etmegi Amerikan hökümetiniň aldawynyň we ikiýüzliliginiň uly alamatydyr diýdi.