Eýranyň we BAE-nyň daşary işler ministrleriniň arasynda telefon arkaly söhbetdeşlik

Eýranyň we Birleşen Arap Emirlikleriniň daşary işler ministrleri ikitaraplaýyn gatnaşyklary pugtalandyrmak, sebitleýin we halkara meseleler barada telefon arkaly söhbetdeşlik geçirdiler.

Eýranyň Daşary işler ministri Huseýin Amirabdollahian penşenbe güni BAE-nyň Daşary işler ministri Şeýh Abdullah Bin Zaýed Al Nahýan bilen telefon arkaly söhbetdeşlikde goňşular bilen gatnaşyklary giňeltmegiň Eýran hökümetiniň daşary syýasatynyň ileri tutulýan ugurdygyny aýtdy.

Eýranyň Daşary işler ministri Tähran bilen Abu-Dabiniň arasyndaky gatnaşyklaryň ösmeginden hoşaldygyny aýtmak bilen BAE-de Eýranlylar bilen baglanyşykly käbir konsullyk meseleleriniň, şol sanda Eýranyň mekdeplerine degişli meseleleriň çözülmegini isledi.

Eýranyň diplomatik gullugynyň başlygy, BAE-nyň Daşary işler ministrine sanksiýalary ýatyrmak buýunça gepleşikler bilen baglanyşykly soňky wakalar barada habar bermek bilen Eýran Yslam Respublikasy güýçli we durnukly ylalaşyk gazanmak üçin hoşniýetliligini we çynlakaýlygyny görkezdi diýdi.

Birleşen Arap Emirlikleriniň Daşary işler ministri hem öz ýurdunyň Eýran bilen gatnaşyklarynyň ähmiýetine ünsi çekip, ykdysady we söwda hyzmatdaşlygyny ösdürmäge, şeýle hem ikitaraplaýyn ykdysady we konsullyk ýygnaklaryny geçirmäge taýýardygyny aýtdy.