Irwani: Sionistleriň Siriýa edýän hüjümleri "söweş jenaýatydyr"

Eýran Yslam Respublikasynyň Birleşen Milletler Guramasyndaky hemişelik wekili "Amir Said Irwani" sionist režimiň çarşenbe güni Siriýa eden hüjümlerini ýazgardy we bu hüjümleriň "söweş jenaýaty" dygyny aýtdy.

Sionist režimi terrorçylary goldamak üçin Siriýanyň goşunynyň pozisiýalaryny we infrastrukturasyny hemişe nyşana alýar.

IRNA habar gullugynyň habaryna görä, "Amir Said Irwani" BMG Howpsuzlyk Geňeşiniň Siriýa baradaky mejlisinde Sionist režimiň Siriýanyň infrastrukturasyna eden soňky hüjümlerini, şol sanda bu režimiň 31-nji awgustda Halapyň halkara howa menziline eden hüjümine yşarat etmek bilen bu hüjümler halkara hukugynyň we Birleşen Milletler Guramasynyň Tertipnamasynyň gödek bozulmagydyr diýdi.

Eýran Yslam Respublikasynyň Birleşen Milletler Guramasyndaky hemişelik wekili bu hüjümleriň Siriýanyň territorial bitewiligini we özygtyýarlylygyny bozýandygyny belläp, Birleşen Milletler Guramasynyň Howpsuzlyk Geňeşinden sionist režimiň halkara parahatçylygyna we howpsuzlygyna howp salýan jenaýatlary üçin jogapkärçilige çekilmegini isledi.

"Amir Said Irwani" şeýle hem Siriýada daşary ýurt güýçleriniň bikanun bardygyna ünsi çekdi we Siriýanyň käbir ýerlerinde daşary ýurt güýçleriniň bikanun bolmagy halkara parahatçylygyna we howpsuzlygyna howp salýan terrorçylyk hereketleri üçin amatly şertleri döredendigini aýtdy.