Esmaili: "OANA" metbugat monopoliýasyny bozmakda uly ädimdir

Eýranyň Medeniýet ministri garaşsyz ýurtlaryň metbugat terrorçylygyna duçar bolýandygyny we Aziýa we Ýuwaş umman habar gulluklarynyň guramasynyň (OANA) metbugat monopoliýasyny bozmak üçin uly ädimdigini aýtdy.

"Aziýa we Ýuwaş umman habarlar gullugynyň" (OANA) 18-nji Baş Assambleýasy duşenbe güni Tähranda bu guramanyň 35 agza ýurtlaryndan 43 habar gullugynyň wekiliýetiniň gatnaşmagy bilen başlandy we şu gün (sişenbe) tamamlanar.

Bu ýygnakda Günorta Koreýanyň “Yonhap” habar gullugynyň üç ýyllyk başlyklygy Yslam respublikasy habar gullugyna (IRNA) gowşurylar.

IRNA-nyň habaryna görä, Eýranyň Medeniýet ministri Muhammet Mahdi Esmaili 18-nji OANA Baş Assambleýasynyň gatnaşyjylarynyň ýygnagynda eden çykyşynda dünýädäki metbugat terrorçylygynyň hakykaty ýoýmaga we jemgyýetçilik pikirini üýtgetmäge synanyşýandygyny aýtmak bilen olar köpçülikleýin habar beriş serişdeleri we içaly hyzmatlary arkaly garaşsyz ýurtlaryň atmosferasyny dartgynly görkezýärler şonuň üçin bu herekete garşy garaşsyz metbugatyň ýakynlaşmagy zerurdyr diýdi.

Eýranyň Medeniýet ministri şeýle hem ýurtdaky 14 müňden gowrak habar beriş serişdeleriniň işine ünsi çekdi we Yslam Eýranyň metbugatnyň dürli-dürli we köpdügini aýtdy.

Esmaili, Eýran Yslam Respublikasynyň buýsançlaryndan biri, dünýä güýçleri, şol sanda Amerikan imperializmi tarapyndan döredilen zäherli metbugat gurşawyna garamazdan, ýurduň içinde we daşynda adalat we metbugat azatlygynyň standart göterijisi bolandygyny aýtdy.