Kananiniň Azerbaýjanyň prezidentiniň aýdanlaryna reaksiýasy
Eýranyň Daşary işler ministrliginiň metbugat sekretary, Azerbaýjanyň prezidenti Ilham Aliýewiň Eýran Yslam Respublikasynyň Ermenistana berýän goldawy baradaky soňky sözleriniň gaýtawulynda Tähranyň esasy syýasaty hoşniýetlilige we ähli goňşular bilen gatnaşyklary giňeltmäge esaslanýar we goňşularyň her biri bilen gatnaşyklary güýçlendirmek beýleki goňşusyna garşy gatnaşyklary aňlatmaýar diýdi.
IRNA habar gullugynyň habaryna görä, sişenbe güni Naser Kanani, Eýran Yslam Respublikasynyň Garabag sebitindäki iki demirgazyk goňşusynyň arasynda uzak wagtlap dowam edýän konflikt babatynda alyp barýan ýörelgeli syýasatyna ünsi çekip: Tähran elmydama territorial bitewiligi saklamaga we Ermenistan bilen Azerbaýjan respublikalarynyň arasyndaky jedelleriň parahatçylykly çözülmegine, hukuga we halkara hukugynyň çäginde hormat goýmagy nygtandyr we şol sebäpden, Azerbaýjan Respublikasynyň territoriýalarynyň basyp alynmagyny ýazgardy we iň ýokary derejede azat edilmegini goldandyr diýdi.
Kanani şeýle-de Ermenistan we Azerbaýjan respublikasynyň serhedinde geçirilen soňky türgenleşigi adaty we meýilleşdirilen çäre hasaplady wakadan öň resmi kanallar arkaly degişli goňşulara habar berildi diýdi.
Azerbaýjan Respublikasynyň Prezidenti Ilham Aliýew, Şuşa şäheriniň Ermenistandan azat edilmeginiň ýyl dönümi mynasybetli eden çykyşynda soňky wagtlarda bu ýurduň serhet sebitlerinde geçirilen türgenlesige gaýtawul görkezip "Bakuw bu hereketlerden gorkmaýar" -diýdi.
Azerbaýjan Respublikasynyň Prezidenti şeýle-de Eýran Yslam Respublikasyny Ermenistany goldamaklykda aýyplady.