Burrell bilen Amir Abdallahiýanyň Iordaniýada gepleşikleri

Geçen Sişenbe güni Iordaniýanyň paýtagty Ammanda , Eýranyň Daşary işler ministri Huseýin Amirabdollahiýan Ýewropa Bileleşiginiň daşary syýasat jogapkäri Josep Burrell bilen bilelikdäki ýygnak geçirdi.

Geçen Sişenbe güni Iordaniýanyň paýtagty Ammanda Bagdat 2 konferensiýasynyň çäginde Eýranyň Daşary işler ministri Huseýin Amirabdollahiýan Ýewropa Bileleşiginiň daşary syýasat jogapkäri Josep Burrell bilen bilelikdäki ýygnak geçirdi. Bu ýygnakda Eýran bilen Ýewropanyň resmileri gün tertibindäki iň möhüm mesäni ýagny Wena gepleşiklerini barladylar.

Bu ýygnakda Amir Abdollahian, Eýran Yslam Respublikasynyň birnäçe aýlap dowam eden agyr we güýçli gepleşikleriň netijesi bolan gepleşik bukjasynyň taslamasy esasynda Wena gepleşiklerini tamamlamaga taýýardygyny yglan edip, beýleki taraplara zerur syýasy karar bermegi ,syýasy işden gaça durmak we konstruktiw we real çemeleşmek bilen şertnamany yglan etmek maslahat berdi. 

Bu ýygnakda Josep Burrell soňky aýlarda Ýewropa Bileleşiginiň Eýrana bolan garaýyşlaryny we çemeleşmelerini düşündirdi we   ýadro gepleşiklerini iki tarapyň gün tertibindäki beýleki meselelerden ähmiýetlidigini we Bileleşigiň ýadro şertnamany dikeltmegi isleýändigini nygtady.  

Wena gepleşikleriniň gaýtadan dikeldilmegi meselesinde Ýewropa Bileleşiginiň aç-açan üýtgemegi Eýrandaky ýagdaýyň durnuklaşmagy we bidüzgünçilikleriň soňlanmagy we Eýrandaky tolgunyşyklaryň dowam etmegi sebäpli Brýusseliň umytsyzlygy sebäpli bolup geçen ýaly. Birnäçe gün ozal Ýewropa Bileleşigi ABŞ bilen bilelikde Eýrandaky bidüzgünçilikleri we gozgalaňçylary goldamagy nygtady we Tähranyň tarapyndan gozgalaňçylariň ýatyrylmagyny tankytlady. Şunuň bilen baglylykda, 12-nji dekabr, ÝB-yň daşary işler ministrleriniň ýygnagynyň ahyrynda Ýewropa Geňeşi Eýrany halkara kanunlary boýunça borçlaryny ýerine ýetirmäge çagyrdy. 

Amerikanyň Birleşen Ştatlarynyň ýolbaşçylygyndaky günbatarlylar, gozgalaňçylary goldamak bilen, Eýranda gozgalaňlardan bäri Eýrana garşy giň syýasy we wagyz-nesihat işlerini guradylar we bidüzgünçiliklere ünsi jemläp, ýadro gepleşiklerini bir gapdala goýdular. 

Aslynda, ýewropalylar Eýran Yslam Respublikasynyň ulgamynyň  bidüzgünçiliklere hiç hili reaksiýa görkezmezligini isleýärler.