Eýranyň Ukrainanyň esassyz aýyplamalaryna beren jogaby
Eýranyň Daşary işler ministrliginiň metbugat sekretary, Naser Kanani Ukrainanyň prezidentiniň ABŞ Kongresinde Eýran baradaky gaýtalanýan aýyplamalaryny we biabraý sözlerini ýazgardy.
Eýranyň Daşary işler ministrliginiň metbugat sekretary, Naser Kanani Ukrainanyň prezidentiniň ABŞ Kongresinde Eýran baradaky gaýtalanýan aýyplamalaryny we biabraý sözlerini ýazgardy we esassyz aýyplamalar hakda Eýranyň strategiki sabyrlylygynyň çäksiz däldigini Zelenskiýň bilmelidigini aýtdy.
Ukrainanyň prezidenti Wolodymyr Zelenskiý Amerikan Kongresiniň agzalary bilen duşuşygynda, ýurduň goranyş kuwwatyny güýçlendirmek we Amerikanyň urşa goldawyny dowam etdirmek umydy bilen Ukrainadaky söweşden soň ilkinji gezek Waşingtona gitdi. Ukrainanyň prezidenti Wolodymyr Zelenskiý Eýran bilen Russiýanyň arasyndaky hyzmatdaşlyk baradaky teklibi ýene-de bir gezek gaýtalady we Moskwanyň Ukrain desgalaryna hüjüm etmekde Eýranyň pilotsyz uçarlaryny ulanmagyny toslady.
Geçen,Penşenbe güni Eýranyň Daşary işler ministrliginiň metbugat sekretary Naser Kanani, Eýran Yslam Respublikasynyň ukrain häkimiýetleriniň pilotsyz uçar meselesi baradaky aýyplamalaryna ençeme gezek jogap berendigini aýtdy .
Ukraina, ABŞ we birnäçe Ýewropa ýurtlary bilen bilelikde Russiýanyň Ukrainadaky söweşinde Eýranyň pilotsyz uçarlaryny ulanandygyny öňe süreninden bäri wagt geçdi; Emma resminama hödürlemezden öňe sürülýän bu talap, Eýrana we Russiýa garşy syýasy we ykdysady basyşy ýokarlandyrmak uçundir.
24-nji oktýabrda Ukrainanyň prezidenti Russiýanyň Eýrandan iki müň "Şahed 136"kysymly pilotsyz uçar sargyt edendigini öňe sürdi. Birnäçe günden soň, Ukrainanyň howa güýçleriniň metbugat sekretary Eýranda öndürilen 300-den gowrak "Şahed 136" pilotsyz uçarynyň ukraina goşuny tarapyndan atylandygyny öňe sürdi.
Bu aralykda, Eýran Yslam Respublikasy Ukraina krizisine degişlilikde bu krizis bilen baglanyşykly işjeň bitaraplyk syýasatyna eýerýändigini birnäçe gezek nygtady. Aslynda, Eýran bu krizise gatnaşmaýar we bu krizisiň başyndan bäri iki tarap bilen bolan dostlukly gatnaşyklaryň çäginde iki ýurdy diplomatiýa ýoluna girmäge synanyşdy we uruşyň ýatyrlmagyny isledi.
Şoňa görä-de, Ukraina krizisinden bäri dowam edip gelýän Eýran bilen Russiýanyň arasyndaky goranyş hyzmatdaşlygy, ikitaraplaýyn gatnaşyklaryň çäginde hereket bolup, hiç haçan Ukraina edilen hüjüme harby goldawy aňlatmaýar.
Eýranyň Daşary işler ministri Huseýin Amir Abdullahiýan: "Russiýa bilen ençeme ýyl bäri goranyş hyzmatdaşlygymyz bar, emma Ukraina garşy söweşi goldamaýarys we Ukraina garşy söweşde ulanmak üçin Eýranyň ýaraglarynyň hiç birini Russiýa bermedik diýendir.
