Eslami: Halkara Atom Energiýasy Guramasy hünärli hereket etmeli

Eýranyň Atom Energiýasy Guramasynyň başlygy Halkara Atom Energiýasy Guramasy, professional hereketlerini dowam etdirmeli we garaşsyz ýurtlara edilýän basyş akymynyň bir bölegi bolmaly däldir diýdi.

IRNA-nyň habaryna görä, Eýranyň Atom Energiýasy Guramasynyň başlygy Muhammet Eslami çarşenbe güni hökümet wekiliýetiniň ýygnagynyň çäginde žurnalistleriň arasynda eden çykyşynda Halkara Atom Energiýasy Guramasynyň baş müdirinden, bu halkara guramanyň professional häsiýetini saklamaga garaşylýar diýdi.

Eslami sözüniň dowamynda şeýle-de Eýranyň Halkara Atom Energiýasy Guramasyndan hemişe garaşýan zady, Yslam Respublikasyna garşy syýasy tendensiýanyň we basyşyň bir bölegi bolmazlygydyr diýip beýan etdi.

Halkara atom energiýasy guramasy 1-nji fewralda Dolandyryjylar geňeşiniň agzalaryna beren gizlin hasabatynda, Fordow desgasynyň öňünden habar berilmedik gözleginde, urany 60% derejesine baýlaşdyrýan IR-6 sentrifuganyň iki kaskadynyň habar berlişinden başgaça baglanyşandygy anyklandy diýip yglan etdi.

Halkara Atom Energiýasy Guramasynyň toslamalaryndan soň Ýewropa ýurtlarynyň üçüsi, Angliýa, Fransiýa we Germaniýa ABŞ bilen bilelikde beýannama çykaryp Halkara Atom Energiýasy Guramasynyň, Eýranyň käbir merkezden gaçyryş enjamlarynyň konfigurasiýasynda düýpli üýtgeşmeleri amala aşyrandygy baradaky hasabatyna üns berjekdiklerini yglan etdiler.