Zarif Horwatiýanyň prezidenti bilen duşuşdy
Eýran Yslam Respublikasynyň daşary işler ministri Zagrebde Horwatiýanyň döwlet baştutany bilen duşuşyp iki taraplaýyn gatnaşyklaryň ösdürilmegini nygtady.
şu gün Eýranyň daşary işler ministri Muhammet Jawad Zarif Horwatiýanyň prezidenti Kolinda Grabar Kitarowiç bilen geçiren bu duşuşygynda Eýran bilen Horwatiýa milletleriniň taryhy dostlyklaryna salgylanyp Eýranyň uly söwda toparynyň Horwatiýa saparyny Horwatiýanyň söwda bölümi bilen hyzmatdaşlyklaryny ösdürmäge Eýranyň söwda bölümleriniň ykjamlygyny görkezýändir diýdi.
Zarif sözüniň dowamynda Eýranyň Horwatiýa bilen saklaýan syýasy gatnaşyklary bilen deňlikde ykdysady gatnaşyklaryny hem ösdürmäge taýýarlygyna yşarat etmek bilen iki ýurdyň arasyndaky käbir böwetleri we kynçylyklary çözüp boljakdygyny we Eýranyň Horwatiýanyň energiýasyny aýratynda gaz we nebitini üpjün etmekde ynamly çeşme bolup biljekdigini nygtady.
Zarif şeýle-de halkara terrorizmiň wehimleri barada agzap Eýran bilen Horwatiýanyň bu ugurda bilelikde hyzmatdaşlyk edip biljekdiklerini belläp geçdi.
Horwatiýanyň prezidenti Kolinda Grabar Kitarowiç hem bu duşuşykda ýurdynyň Eýran bilen saklaýan gatnaşyklaryny ösdürmek üçin ykjamdygyny aýdyp maýa goýum bölüminde iki ýurdynyň arasyndaky käbir kynçylyklaryň herne basym çözülmegini umyt etdi.
Eýranyň daşary işler ministri bilen Horwatiýanyň prezidenti bu duşuşykda şeýle-de sebitleýin meseleler şol sanda Siriýa,Ýemen,Owganystan we Balkan meseleleri barada maslahatlaşdylar.
Zarif Horwatiýadan soňra Bosniýa we Gersegowina sapar edýär.
