"Talyban" Kabulda Eýranyň söwda merkeziniň döredilmegini garşy aldy

Owganystanyň Söwda palatasynyň wekili Kabulda Eýranyň söwda merkeziniň döredilmegini garşy aldy we Owganystanyň dürli ykdysady we oba hojalygynda Eýranyň tehnologiýasynyň ulanylmagyny nygtady.

Eýranyň Kabuldaky uly söwda merkezi ýekşenbe güni Kabulda Talybanyň hökümet işgärleriniň we Eýranyň syýasy we ykdysady işgärleriniň gatnaşmagynda resmi taýdan açyldy.

Eýranyň Owganystandaky söwda merkezinde eýran kompaniýalary üçin ýedi müň inedördül metr bölünip berildi. Hukuk we täjirçilik maslahat beriş hyzmatlaryny bermek, täjirçilik we ykdysady şertnamalara gol çekmäge kömek etmek, ätiýaçlandyryş, transport we logistika hyzmatlaryny bermek bu iş merkezinde kesgitlenendir.

Kabuldaky “Eýranpress” habarçysynyň soragyna jogap hökmünde Owganystanyň Söwda palatasynyň orunbasary “Haýruddin Maýel” Owganystanda Eýranyň söwda merkeziniň döredilmeginiň eksport, söwda we ykdysady hyzmatdaşlygy ösdürmekde möhüm ädimdigini aýtdy.

Talybanyň bu resmi, Eýranyň Owganystandaky söwda merkeziniň öndürijiler, eksportçylar we sarp edijiler arasynda köpri bolup hyzmat etjekdigini sözüniň üstüne goşdy.

Owganystanyň Oba hojalygy we maldarçylyk palatasynyň başlygy hem Eýranyň Kabulda söwda merkeziniň açylmagynyň möhüm we gymmatly ädimdigini aýtdy.

Eýranpress habarçysynyň soragyna jogap beren "Han Muhammet Frurtan", 40 ýyl bäri söweşe gatnaşan bir ýurtda Eýranyň Owganystanda söwda merkeziniň açylmagynyň aýratyn möhümdigini aýtdy.

Behşahr senagat ösüş kompaniýasynyň direktorlar geňeşiniň agzasy "Farhad Tagawimaneş" Eýranpress bilen geçirilen aýratyn söhbetdeşlikde Eýranyň söwda merkeziniň Owganystanda açylmagynyň Owganystanyň bazarynda hususy pudagyň we Eýran kompaniýalarynyň bolmagyna kömek etjekdigini aýtdy.