Eýranyň mejlis agzalary mukaddes Guran kerime edilen bihormatçylygy ýazgardylar

Eýranyň Yslam Şura Mejlisiniň wekilleri mukaddes Guran kerime edilen bihormatçylygy ýazgardylar.

28-nji iýunda Stokgolmda Gurany kemsiden Selwan Momika atly ekstremist bu ýurduň polisiýasynyň rugsadyny alandan soň penşenbe güni (20-nji iýul) ikinji gezek Gurany kemsitdi we Yslam ýurtlarynyň arasynda Şwesiýanyň hökümetine garşy gahar, ýigrenç we reaksiýa tolkunynyň döremegine sebäp boldy.

ISNA habar gullugynyň habaryna görä, şu gün (şenbe) Eýranyň Yslam Şura Mejlisiniň köpçülikleýin ýygnagynyň başynda we Gurany kerimden aýatlar okalandan soň, mejlis agzalary Şwesiýada Gurana bihormatçylyk edilmegini ýazgarmak üçin ýerlerinden turdular we Gurany ellerinde tutup, Guranyň jemleýji dogasyny okadylar we Guranyň kemsidilmegine nägileligini we ýigrenjini görkezdiler.

Soňra wekiller ölüm bolsun Amerika we ölüm bolsun Angliýa diýip gygyrdylar.

Eýranyň Yslam Şura Mejlisiniň başlygy "Muhammet Bager Galibaf" hem şu günki mejlisiň başynda eden çykyşynda Şwesiýanyň hökümeti, Guranyň kemsidilmegine garşy çykmak baradaky talaplarynda dogruçyl däldir we şeýle hereketleriň öňüni almak üçin hiç hili täsirli kanuny çäre görmedi diýdi.

Galibaf şeýle-de dünýädäki musulmanlaryň duýgularyny ýaralamak we pikirlerini kemsitmek tölegsiz däldir we bu kemsitmeler üçin Şwesiýanyň hökümeti jogap bermelidir diýdi.