Sebitdäki soňky wakalar; Eýranyň we Kataryň daşary işler ministrleriniň arasynda geňeş maslahaty

Eýran Yslam Respublikasynyň Daşary işler ministri Huseýin Amir َAbdollahian we Kataryň premýer-ministri we Daşary işler ministri Şeýh Muhammet bin Abdulrahman Al Tani telefon söhbetdeşliginde sebitdäki soňky wakalar we umumy gyzyklanma döredýän meseleler barada pikir alyşdylar.

IRNA habar gullugynyň habaryna görä, Hoseýin Amir Abdollahian bu telefon söhbetdeşliginde Kataryň hökümetiniň oňyn roluna we bu ýurduň ýokary wezipeli işgärleriniň sebit we halkara gatnaşyklarynda alyp barýan işlerine ýokary baha berdi we Katara Eýranyň emläginiň boşadylmagy meselesinä kömek bermekde döredijilikli roly üçin minnetdarlyk bildirmek bilen Katarly kärdeşi bilen sebitdäki soňky wakalar barada maslahatlaşdy.

Kataryň premýer-ministri we Daşary işler ministri Şeýh Muhammet bin Abdulrahman Al Tani hem Eýran bilen Kataryň hökümetiniň arasyndaky dostlukly gatnaşyklardan kanagatlanýandygyny mälim edip, gatnaşyklaryň gidişine ýokary baha berdi we taraplaryň arasynda ýakyn gepleşikleriň dowam etdirilmegini nygtady.