Eýran Burkina-Fasoda bolan terrorçylykly hüjümi ýazgardy

Eýranyň Daşary işler ministrliginiň metbugat sekretary Naser Kanani terrorçy toparlaryň Burkina-Faso esgerlerine eden hüjümini we bu ýurduň onlarça esgeriniň öldürülmegine we ýaralanmagyna sebäp bolmagyny ýazgardy.

IRNA habar gullugynyň habaryna görä, Naser Kanani Burkina-Faso hökümetine we halkyna, esasanam pida bolanlaryň maşgalalaryna çuňňur gynanjyny we duýgudaşlygyny bildirmek bilen Terrorçylygyň we ekstremizmiň aýylganç hadysasyna garşy çynlakaý we täsirli göreş alyp barmak bilen dünýäniň dürli sebitlerinde, şol sanda Günbatar Afrikada parahatçylygyň we durnuklylygyň şaýady boljakdygyna umyt bildirdi.

Burkina Faso goşunynyň ştab-kwartirasy geçen sişenbe güni ýurduň demirgazygynda terrorçylar tarapyndan edilen hüjümde 17 esgeriň we 36 soýuzdaş güýçleriň öldürilendigini habar berdi.

Burkina-Faso goşun güýçlerine 53 adamyň ölümine sebäp bolan ganly hüjümden bir gün soň, Al-Kaýda bu hüjümiň jogapkärçiligini öz üstüne aldy.

Al-Kaýda terror guramasy bu toparyň elementleriniň ýurduň demirgazygynda ýerleşýän "Ýatinga" welaýatynyň "Kombri" sebitindäki Burkina-Faso goşun güýçlerine hüjüm edendigini habar berdi.