Amerikanyň maksatnamasy: Eýranda krizis döretmek (lideriň çykyşy)

Günbatar Aziýa sebitinde Günbatar blogunyň lideri hökmünde ABŞ hemişe hegemon roluny oýnamaga synanyşandyr.

  1979-njy ýylda Eýran Yslam Rewolýusiýasynyň ýeňşinden we Eýranda Yslam Respublikasynyň döredilmeginden soň, Günbatar Aziýa sebitinde Günbatar blogunyň lideri hökmünde ABŞ hemişe hegemon roluny oýnamaga synanyşandyr. ABŞ bu esasda Eýrana garşy duşmançylykly çemeleşmesini dowam etdirdi.

Amerikanyň Birleşen Ştatlary soňky dört onýyllygyň dowamynda Eýran Yslam Respublikasyna garşy iň birtaraplaýyn syýasatlary we çäreleri amala aşyrdy, iň giň sanksiýalary girizmek, harby howp abandyrmak, syýasy we diplomatik kampaniýalary we psihologiki söweş başlamak ABŞ-nyň Eýrana garşy alyp barýan işlerindendi . Amerikanyň Eýrana garşy birtaraplaýyn syýasatlarynyň we çäreleriniň netijesizdigine garamazdan, Waşington BMG-nyň düzgünnamasyna ters gelýän Tährana garşy bu bikanun çemeleşmäniň dowam etdirilmegini isleýär we Baýdeniň döwründe Eýran Yslam Respublikasyna garşy dürli bahanalar bilen bilelikdäki söweş başlady.

ABŞ-nyň Eýrana garşy alyp barýan işleriniň arasynda, bir tarapdan, Eýranyň halkyna, esasanam aýal-gyzlara goldaw berjekdigini öňe sürmek we Eýranda separatist toparlary höweslendirmek we goldamak bilen Eýranda tolgunyşyklary döretmek we güýçlendirmek synanyşygy bardyr. ABŞ-nyň we Yewropadaky hyzmatdaşlarynyň Eýranyn 2022-nji ýyldaky tolgunyşyklara gönüden-göni goldawy munuň aýdyň mysalydyr. Amerikan resmileri Eýrany bölmegiň zerurlygy barada ençeme gezek çykyş etdiler. Olaryň maksady Eýran Yslam Respublikasynyň ulgamyny agdarmak we birnäçe müň ýyllyk siwilizasiýa taryhy bolan bu ýurdy etnik esasda birnäçe bölege bölmekdi.Aslynda Eýran Amerikanyň sebitdäki tekepbir we gegemon syýasatlaryna garşy iň uly garşydaşlardan biridir. ABŞ bu esasda Eýran Yslam Rewolýusiýasyny dünýä ýüzünden ýok etmek isleýär.  

Yslam rewolýusiýasynyň ýokary Derejeli lideri Aýatolla Hameneý Amerikanyň Eýranda we beýleki ýurtlarda krizis döretmek ugrundaky tagallalaryna birnäçe gezek ünsi çekendirler. Şunuň bilen baglylykda, 11-nji sentýabrda   Yslam rewolýusiýasynyň ýokary lideri Sistan, Bulujystan we Günorta Horasan halky bilen duşuşyp, dünýäniň özgerişlik bosagasynda durýandygyny aýtdyp,Amerikanyň hökümetiniň Eýranda we beýleki ýurtlarda krizis döretmegiň  uguryndadygyny nygtadylar.