Günbataryň Eýrana garşy girizen täze sanksiýalaryna Kananiň reaksiýasy
Eýranyň Daşary işler ministrliginiň metbugat sekretary Naser Kanani, Tährana garşy girizilen täze sanksiýalara jogap höküminde Günbatarlylar tarapyndan konstruktiw däl hereketleriň dowam etmegi asla olaryň bähbidine däldir diýdi.
Angliýa, Amerika, Awstraliýa we Kanada urtlary Eýranyň içerki işlerine goşulyşmagyny dowam etdirmeginde, adam hukuklary we geçen ýylky bidüzgünçilikleri goldamagy bahanasy bilen Eýran Yslam Respublikasynyň şahsyýetlerine garşy täze sanksiýalary girizdiler.
IRNA habar gullugynyň habaryna görä, Naser Kanani anna güni Ýewropadaky käbir ýurtlarynyň we ABŞ režiminiň, interwensiýa beýanatlaryny bermekden başga-da käbir resmilere, bilelikde Eýranyň habar beriş serişdelerine we metbugat we olaryň jogapkär ýolbaşçylaryna garşy sanksiýalary yglan etmek hereketlerine jogap edip, gynansagam, garaňky taryhy ýazgylary we adam we aýal hukuklary meselesinde üstünlik gazanyp bilmedik käbir taraplar, bilelikdäki hereketde we Eýran Yslam Respublikasynda gozgalaň turuzmak synanyşygynda, biderek syýasy beýanatlar çap edip, netijesiz sanksiýalary yzarlaýarlar diýdi.
Kanani bu ýurtlaryň bu hilli hereketlerini we sözlerini, gülkünç we ikiýüzli çykyşlaryny ýazgarmak bilen raýatlaryna, esasanam aýallara, şeýle hem azlyklara, reňkli adamlara, ýerli ýaşaýjylara we immigrantlara garşy yzygiderli iň güýçli zorluk edýän ýurtlar emma çagalary öldürýän Sionist režimniň gündelik jenaýatlaryna garşy hiç wagt muňa garşy çykmaga we ýazgarmaga batyrlyk görkezmeýän döwletler, Eýran halky üçin ýalandan ýaş dökmäge haklary ýokdyr diýdi.
Kanani şeýle-de elbetde, Eýranyň bilimli halky, Eýran Yslam Respublikasynyň hökümeti we howpsuzlyk üçin jogapkär guramalar günbatar taraplarynyň Eýran halky üçin jemgyýetçilik howpsuzlygyny döretmekdäki wagyz-nesihatlaryna we tarapgöý hereketlerine täsir etmez diýdi.
Tährana garşy Günbataryň täze sanksiýalary bir ýagdaýdadyr welin, Eýran Yslam Respublikasy bolsa Günbataryň gatyşmak häsiýetiniň netijeleri barada birnäçe gezek duýduryş berendir we şeýle hereketleriň jogapsyz galmajakdygyny aýdandyr.