Eýranyň we Saud Arabystanynyň daşary işler ministrleriniň Jiddedäki duşuşygy

Eýran Yslam Respublikasynyň we Saud Arabystanynyň daşary işler ministrleri Jiddede Yslam Hyzmatdaşlyk Guramasynyň ýygnagynyň çäginde duşuşdylar.

IRNA habar gullugynyň habaryna görä, Eýranyň Daşary işler ministri Huseýin Amir Abdollahian we Saud Arabystanyň Daşary işler ministri Faýsal bin Farhan ikitaraplaýyn meseleler we Palestindäki wakalar barada pikir alyşdylar.

Amir Abdollahian ozal Yslam hyzmatdaşlygy guramasynyň baş sekretary bilen we Yslam Hyzmatdaşlyk Guramasynyň mejlisine gatnaşan ýurtlaryň käbir daşary işler ministrleri, şol sanda Yrak, Azerbaýjan Respublikasy, Indoneziýa, Kuweýt we Kataryň Daşary işler ministri bilen duşuşdy we pikir alyşdy.

Yslam Hyzmatdaşlyk Guramasynyň mejlisiniň iň möhüm gün tertibiniň, sionist režimiň Gazanyň raýatlaryna garşy eden jenaýatlarynyň we genosidiniň öňüni almak çözgütlerini öwrenmekdigini bellemek gerek.

Sionist režimiň jenaýatlary soňky günlerde, esasanhem sişenbe güni agşam iň ýokary derejesine ýetdi we ýüzlerçe palestinaly Gazanyň merkezindäki Al-Momedani keselhanasynda sionistler tarapyndan nyşana alyndylar.

Bu jenaýatda ýüzlerçe bigünä palestinaly, köpüsi aýallar we çagalar şehit boldylar.