Raisi: Palestinalylaryň ganynyň her damjasy sionistleri ýykylmagyna bir ädim ýakynlaşdyrýar

Eýran Yslam Respublikasynyň prezidenti Tähran halkynyň uly ýygnanyşygynda sionist režimiň eden jenaýatlaryny ýazgardy we Palestinalylaryň ganynyň her damjasy sionistleri ýykylmagyna bir ädim ýakynlaşdyrýandygyny aýtdy.

Fars habar gullugynyň habaryna görä; Eýran Yslam Respublikasynyň prezidenti Seýid Ebrahim Raisi bu köpçülikleýin ýygnanyşykda şu gün Yslam ymmaty üçin köpçülikleýin ýas güni we adamzat üçin we ähli aňly we wejdanly adamlar üçin ýas tutuljak gün diýdi.

Raisi, Mossadyň içalyçylyk gullugyndan başga-da 6 sany howpsuzlyk gullugynyň sionist režimi goldaýandygyny aýtmak bilen Sionist režimiň howpsuzlyk şowsuzlyklaryndan başga-da, bu  režimiň aýylganç jenaýatlary üçin dünýäde umumy ýigrenç döredi we häzirki wagtda dünýäde sionist režimini jenaýatçy hasaplamaýan adam ýok diýdi.

Eýran Yslam Respublikasynyň prezidenti, basyp alnan ýerlerde ýokary derejeli amerikan resmileriniň bardygyna yşarat edip Daşary işler ministri, Goranmak ministri, "Centcom" -yň serkerdesi, Amerikanyň Birleşen Ştatlarynyň prezidenti hemmesi basyp alnan ýerlerdedirler we wakany dolandyrmak amerikalylaryň elindedir diýdi.

Raisi, sionist režimiň bu goldawlar bilen ýeňilmeginiň öwezini dolup bilmejekdigini sözüniň üstüne goşmak bilen Gazadaky keselhana hüjüm etmek baradaky aýylganç jenaýat, Sionist režimiň soňlanmagynyň başlangyjydyr diýdi.

Eýran Yslam Respublikasynyň Prezidenti, şeýle hem sionist režimiň Gazadaky keselhana edilen hüjüminde aýylganç jenaýatlaryny ýazgarýan halkara guramalardan we ýurtlardan "bu jenaýaty ýazgarmak ýeterlikmi we halklar muny ýazgarmakdan kanagatlanýarlarmy we ýigrenji yglan etmek ýeterlikmi?" diýip sorady.