Raisi: Ysraýylyň jenaýatlary bilen baglanyşykly halkara guramalarynyň dymmagy bu guramalary abraýdan düşürendir

Eýran Yslam Respublikasynyň Prezidenti, sionist režimiň Gazanyň goragsyz halkyna garşy edýän jenaýatlary bilen baglanyşykly halkara guramalarynyň dymmagynyň we hereketsizliginiň bu guramalaryň dünýä halklary tarapyndan kemsidilmegine sebäp bolandygyny aýtdy.

Eýran Press habar gullugynyň habaryna görä Seýid Ebrahim Raisi şu gün hökümet wekiliýetiniň ýygnagynda eden çykyşynda bu mesele, uly täsir we gynançdan başga-da, Dünýä halkynyň häzirki eziji gurluşyň ýerine adalatly tertibi çalyşmak isleginiň subutnamasydyr diýdi.

Raisi şeýle-de Sionist režimiň bir resmisiniň Gazanyň bigünä we goragsyz halkyna garşy atom bombasyny ulanmak baradaky aýdanlaryna salgylanyp,häzirki wagtda Eýran Yslam Respublikasynyň bu terrorçylyk režiminiň adamzat jemgyýeti üçin howplydygy we oňa garşy durmagyň we ezilen palestina halkynyň hukuklaryny goramagyň zerurlygynyň dogrydygy hemmeler üçin subut edildi diýip beýan etdi.

Aýtmak ýerli şu gün Eýran Yslam Respublikasynyň prezidenti Täjigistana sapar etdi. Eýran Yslam Respublikasynyň prezidenti Seýid Ebrahim Raesi çarşenbe güni Mehrabad howa menzilinde Täjigistana gitmezinden ozal bu saparyň meýilnamalary barada açyklama berip, Merkezi Aziýa örän möhüm mümkinçiliklere eýe bolan ýurtlardan ybaratdyr we Eýranyň bu ýurtlar bilen arabaglanyşygy we gatnaşyklaryny ösdürmek hökümetiň gün tertibindedir diýdi.

Eýran Yslam Respublikasynyň prezidenti Täjigistana eden saparyndan soň Özbegistana gitjekdigini aýtmak bilen EKO sammitinde döwlet baştutanlary bilen gepleşikleriň esasy maksady Gazadyr, sebäbi dünýäniň ähli halky, dialektine, dinine we mezhebine garamazdan, bu sebitiň halkynyň ýagdaýy barada alada edýändirler diýdi.