Amir Abdollahian: Riýad ýygnagynda Palestina meselesiniň ähmiýeti ýene bir gezek görkezildi

Eýranyň Daşary işler ministri Riýadda Yslam we Arap ýurtlarynyň baştutanlarynyň gyssagly ýygnagynyň geçirilmegine ünsi çekip, bu ýygnag Yslam dünýäsinde ýakynlaşmagyň möhüm faktory hökmünde Palestina bilen Kudsyň ähmiýetini ýene bir gezek açyk görkezdi diýdi.

Şenbe güni Riýadda Yslam we Arap ýurtlarynyň ýolbaşçylarynyň gyssagly ýygnagy, Gazadaky we Palestindäki häzirki ýagdaýy gözden geçirmek üçin geçirildi.

IRNA-nyň habaryna görä, Eýranyň Daşary işler ministri Huseýin Amirabdollahian Instagram sosial ulgamynda, Eýran Yslam Respublikasy, iň ýokary syýasy derejelerde hemişe Palestinanyň içinde we daşynda ähli hakyky palestinalylaryň gatnaşmagynda we halkara hukugyna laýyklykda öz ykbalyny kesgitlemek üçin referendumyň geçirilmegini Palestina üçin esasy we hemişelik çözgüt hasaplaýandyr diýip ýazypdyr.

Amir Abdollahian şeýle-de, bu ýygnakda Eýran Yslam Respublikasynyň Prezidentiniň Palestina halkynyň bähbidi üçin aýgytly karar bermek, şol sanda Gazadaky ganhorlugy we genosidi duruzmak, adamzadyň gabawyny doly aýyrmak, Sionist režim bilen islendik syýasy we ykdysady gatnaşyklary kesmek, Sionist režimiň we Amerikanyň Birleşen Ştatlarynyň ýolbaşçylaryny we jenaýatçylaryny jogapkärçilige çekmek we jezalandyrmak üçin Yslam ýurtlary tarapyndan halkara kazyýetiniň döredilmegi, ýörite gaznanyň döredilmegi, Gazanyň derrew täzeden gurulmagy we yslam ýurtlaryndan palestina halkyna ynsanperwer kömegini alyp barýan ulag kerwenleriniň uly göwrümli iberilmegi ýaly on sany möhüm, operatiw we gyssagly teklip hödürländigini sözüniň üstüne goşdy.