Gazanyň geljegine Amerikanyň islendik gatnaşygy barada Eýranyň duýduryşy

Eýran Yslam Respublikasynyň prezidenti Seýid Ebrahim Raisi Gazanyň geljegi baradaky kararyň Palestina halkynyň elindedigini aýtdy.

Eýran Yslam Respublikasynyň prezidenti Seýid Ebrahim Raisi Gazanyň geljegi baradaky kararyň Palestina halkynyň elindedigini aýtdy.

Eýran Yslam Respublikasynyň prezidenti Seýid Ebrahim Raisi Gazanyň geljegi baradaky kararyň Palestina halkynyň elindedigini we Amerikanyň bu ugurdaky gatyşmagynyň şowsuz boljakdygyny aýtdy.

Seýid Ebrahim Raisi ýekşenbe güni agşam Türkiýäniň prezidenti Rejep Taýyp Erdogan bilen telefon arkaly söhbetdeşlikde Gazanyň halkynyň kanuny hökümet hökmünde Hamasyň üsti bilen Gazanyň geljegini kesgitlemelidigini aýtdy.  

Şu gün Hamas bilen sionist režimeimiň arasynda wagtlaýyn ýaraşyk şertnamasynyň dördünji we soňky güni bolsa-da, Sionist Režimiň premýer-ministr Benýamin Netanýahu ABŞ-nyň prezidenti Jo Baýden bilen telefon arkaly söhbetdeşlikde ýaraşyk gutarandan soň Gaza zolagyna hüjümleriň gaýtadan başlajakdygyny welin Sionist tussaglaryň boşadylmagynyň deregine atyşygyň bes etdirilmeginiň uzaldylmagyny hem garşy aldy.

  Bu telefon arkaly söhbetdeşlik wagtynda Amerikanyň Birleşen Ştatlarynyň prezidenti iki döwletli çözgüt ýoluň sionistler we palestinalylar üçin uzak möhletleýin howpsuzlygy üpjün etmegiň ýeke-täk usulydygyny we Amerikanyň Birleşen Ştatlarynyň bu maksatdan ýüz öwürmejekdigini aýtdy.

7-nji oktýabrda Hamas güýçleriniň operasiýalaryna jogap bahana bilen sionist režimiň Gaza zolagyna eden harby hüjümlerinden soň, Amerikan we Sionist häkimiýetler,  Gaza baradaky meýilnamalary barada takyk beýanat bermekden ýüz öwürýärler, ýöne olaryň sözlerinden we habar beriş serişdelerden, bu meselede käbir pikirleri we wariantlary göz öňüne getirip bolýar.

Sionist häkimiýetler Gazany basyp almak islemeýändiklerini aýdýarlar, ýöne şeýle hem 7-nji oktýabr hüjüminden soň Hamasyň dolandyryşynyň dowam etdirip bolmajakdygyny aýtdylar.

ABŞ-nyň Döwlet sekretary Antoni Blinken: "Hamasyň Gazany dolandyrýan öňki ýagdaýyna dolanyp bilmeris ... Ysraýyllaryň özleriniň teklip edişleri ýaly Gazanyň dolandyryşyny Ysraýyla hem berip bilmeris" -diýdi.

Şeýle sözler, sionist režimiň Gazadaky hüjümleriniň dowam etmeginiň esasy faktory  hökmünde Amerikalylaryň bu sebitiň geljegi üçin dürli wariantlara garaýandyklaryny görkezýär; Palestina hökümeti tarapyndan Gaza zolagyna gözegçilik etmek, BMG tarapyndan Gaza zolagynyň wagtlaýyn dolandyrylmagy, Gaza zolagynda parahatçylygy goraýyş güýçleriniň ýerleşdirilmegi ýa-da Gaza zolagynyň gözegçiligini günbataryň peýmandaşy bolýan käbir arap ýurtlaryna tabşyrmak , Gazanyň geljegi barada şu wagta çenli ara alnyp maslahatlaşylan käbir wariantlardyr.