Kanani: Eýran hemişe bitewi Hytaýy goldaýar

Eýran Yslam Respublikasynyň Daşary işler ministrliginiň metbugat sekretary Eýranyň hemişe bitewi Hytaýy ýörelgesini goldaýandygyny aýtdy.

IRNA habar gullugynyň habaryna görä, Eýran Yslam Respublikasynyň Daşary işler ministrliginiň metbugat sekretary Naser Kanani şu gün žurnalistleriň Taýwanyň saýlawlarynyň netijeleri baradaky soraglarynyň jogabynda Eýran Yslam Respublikasy, territorial bitewilige we ýurtlaryň milli özygtyýarlylygyna hormat goýmagy daşary syýasatynyň esasy hasaplaýar we bu nukdaýnazardan hemişe bitewi Hytaýy ýörelgesini goldaýandygyny mälim etdi.

Eýranyň Daşary işler ministrliginiň metbugat sekretary bu meselede Eýran Yslam Respublikasynyň Hytaý Halk Respublikasynyň milli özygtyýarlylygyny we territorial bitewiligini goramak hukugyny ýene-de bir gezek goldaýandygyny aýtmak bilen bogazyň iki tarapynyň parahatçylykly ösüşine esaslanyp Hytaýyň birleşjekdigini yglan edýär diýdi.

Taýwanyň dolandyryjy Demokratik Ösüş Partiýasynyň garaşsyzlyk isleýji kandidaty "Lai Çing-te"  40% -den gowrak ses alyp, adada geçirilen prezident saýlawynda ýeňiş gazandy.

Bu saýlawlara jogap hökmünde Hytaý hökümeti bu adadaky dolandyryjy partiýanyň, sesleriň köpüsini (sesleriň 50 göteriminden gowragyny) alyp bilmänsoň, Taýwanyň jemgyýetçilik pikiriniň esasy akymyna wekilçilik etmeýändigini mälim etdi.