Eýran Sionistleriň tarapyndan Rafa şäherine howa hüjümlerini ýazgardy

Eýran Yslam Respublikasynyň Daşary işler ministrliginiň metbugat sekretary Naser Kanani, Sionist režimiň Rafanyň ýaşaýyş ýerlerine eden howa hüjümlerini ýazgardy.

Duşenbe güni irden Sionist režimiň Gaza zolagynyň günortasyndaky Rafah şäherine eden hüjümlerinde we bombalanmagynda 100 töweregi adam şehit boldy, 200-den gowragy ýaralandylar.

Habar çeşmeleri ölenleriň köpüsiniň aýallar we çagalardygyny habar berdiler.

IRNA habar gullugynyň habaryna görä, Naser Kanani bir milliondan gowrak palestinaly bosguny kabul edýän Rafa barada durup geçip, Sionist režimiň Rafany basyp almak we bu sebite ýerüsti hüjüm etmek howpuny ynsanperwer betbagtçylyga sebäp bolup we goragsyz Palestina halkyna garşy ýene bir söweş jenaýatyna öwrülip biljekdigini duýdurdy.

Daşary işler ministrliginiň metbugat sekretary, bu wagşyçylykly hereketiň howply netijeleri barada duýduryş bermek we sionist režimi tarapyndan genosid jenaýatynyň dowam etdirilmegine alada bildirmek bilen şeýle diýdi: Häzirki wagtda Amerika we sionistleriň beýleki günbatar ýaranlary sebitiň howpsuzlygy we durnuklylygy baradaky aladalaryny çyn ýürekden beýan edýän bolsalar, sionist häkimiýetleriň Palestiniň goragsyz halkyny öldürmekdäki däli hereketleriniň öňüni almak üçin gyssagly çäre görmelidirler.

Kanani şeýle-de halkara ýygnaklarynyň, hökümetleriniň we dünýä jemgyýetçiliginiň ünsüni Sionist režimiň Rafahdaky bu sebitiň ýaşaýjylarynyň we bosgunlarynyň ýagdaýy bilen baglanyşykly alyp barýan islendik harby hereketiniň zyýanly netijelerine çekmek bilen, Sionist režimiň Gaza zolagyna edýän hüjüminiň dowam etmeginiň öňüni almak we gumanitar betbagtçylygyň möwjemeginiň öňüni almak üçin halkara guramalarynyň we BMG-nyň jogapkärçiligini nygtady.

Sionist goşunyň Rafahyň ýaşaýyş ýerlerine eden jenaýatçylykly howa hüjümleri halkara reaksiýalary bilen utgaşdy.

Türkiýäniň prezidenti Rejep Taýyp Ärdogan sionist režimiň Gaza zolagyna garşy jenaýatyny berk tankytlady we Netanýahunyň kabinetiniň kabul eden gyrgynçylyk syýasaty her gün täze gyzyl çyzyklardan geçýän Gitlere meňzeýär diýdi.

Türkiýäniň prezidenti şeýle-de gyrgynçylyklary bes etmegiň ýerine ösen ýurtlar Ysraýyla goldaw berýärler diýdi.

Ýewropa Bileleşiginiň daşary syýasatynyň başlygy Josep Burrell hem Rafah şäherindäki ýagdaýyň ýaramazlaşmagyna uly alada bildirdi we sionist režimiň bu sebite eden hüjüminiň howply netijeleri barada duýduryş berdi.

Birleşen Milletler Guramasynyň Adam Hukuklary boýunça Ýokary Komissary Wolker Türk hem 1,5 million töweregi palestinalynyň Müsür serhediniň golaýynda gaçybatalgasy bolan Rafa şäherine bolup biljek giň gerimli we giňişleýin hüjümiň elhençdigini aýtdy.

Sionist režimiň Rafa garşy howa hüjümine halkara reaksiýalary bir ýagdaýdadyr welin ABŞ-nyň Döwlet departamentiniň metbugat sekretary Mätio Miller geçen duşenbe güni žurnalistleriň Amerikanyň Ysraýyla berýän kömeginiň togtadylmagy we Rafah şäherine edilen ähli hüjümde bu režimi jogapkärçilige çekmek baradaky soraglaryna jogap bermekden ýüz öwürdi.