Eýran, Sionist režimiň palestinaly bosgunlara garşy hüjümini ýazgardy
Eýranyň Daşary işler ministrliginiň metbugat sekretary sionist režimiň terrorçy goşunynyň Gaza zolagynyň günortasyndaky Han Ýunis şäherinde palestinaly bosgunlaryň ýerleşýän sebitlerine eden rehimsiz hüjümini ýazgardy.
Şenbe güni Han Ýunisiň Al-Mawasi sebitindäki palestinaly bosgunlaryň ýerleşen ýerlerine Ysraýylyň howa hüjüminde azyndan 120 palestinaly şehit boldy we onlarça adam ýaralandy.
IRNA habar gullugynyň habaryna görä, Eýranyň Daşary işler ministrliginiň metbugat sekretary "Naser Kanani Çafi", Sionist režimiň terrorçy goşunynyň Han Ýunisiň "Al-Mawasi" sebitindäki palestinaly bosgunlary nşana almak baradaky wagşyçylykly hüjümini ýazgaryp ony Amerika we beýleki adam hukuklaryny talap edýänleriň goldawy bilen Gazada dowam edýän genosidiň dowam etmeginde wagşyçylykly hereket hasaplady.
Kanani Çafi, al-Mawasi sebitinde palestinaly bosgunlaryň gyrgynçylygy, şol sanda aýallar we çagalar ýaly ýüzlerçe bigünä palestinalynyň şehit bolmagy we ýaralanmagy, Sionist basybalyjy režimiň halkara jemgyýetçiliginiň palestina milletine garşy genosid etmegini dowam etdirmek baradaky çynlakaý kararyny, Ysraýylyň aparteid režiminiň terrorçylyk goşunyna garşy garşylyk ruhuny we gahrymançylygy we abraýly durnuklylygyny ýok etmek maksady bilen aç-açan beýan edýär diýdi.
Eýranyň diplomatik ulgamynyň metbugat sekretary halkara jemgyýetçiligini, ylaýta-da yslam döwletlerini, hukuk we adam hukuklary üçin jogapkär guramalary özlerine mahsus, kanuny we adam borçlaryny ýerine ýetirip, jenaýata aýgytly we täsirli jogap bermäge çagyrdy.
