Eýran Gaza zolagynda parahat ilatyň öldürilmegini tankytlady

Eýranyň Daşary işler ministrliginiň metbugat sekretary Gazada şehit bolanlaryň gany palestina halkynyň mazlumlygyny, sionist basybalyjylygynyň zalymlygyny we adam hukuklaryny talap edýänleriň ýalanlaryny perýat edýändir diýdi.

Amerikanyň Birleşen Ştatlarynyň goldawy bilen Gaza zolagynda ýaşaýan parahat ilatyň we palestinalylaryň rehimsiz gyrgynçylygyndan 11 aý geçýär we Sionist režimi soňky jenaýatynda Gazadaky Jabaliýa düşelgesindäki mekdebi bombalamakda meşhur palestinaly aktýor Raşad Abu Sahylany şehit etdi.

Bu mesele bilen baglylykda we Eýran Press habar gullugynyň habaryna görä, Eýranyň Daşary işler ministrliginiň metbugat sekretary Naser Kanani internet giňişliginde şahsy sahypasynda Sionistleriň jenaýatlary ähli palestinalylary öz içine alýar we Tel Awiwi dolandyrýan jenaýat topary, adam gany bilen iýmitlenýän haýwan ýaly her gün täze ganly ganhorluklar edýär diýip ýazdy.

Eýran Yslam Respublikasynyň Daşary işler ministrliginiň metbugat sekretary şeýle hem Abu Sahylanyň gany, Gaza zolagynda 40 000-den gowrak palestinaly şehitleriň gany bilen birlikde, palestina halkynyň mazlumlygyny, sionist basybalyjylaryň zalymlygyny, adam hukuklaryny talap edýänleriň ikiýüzliligini we ýalanlaryny perýat etýändigini aýtdy.