Pezeşkian: Eýranyň esasy maksady Yslam ymmatynda agzybirlik, jebislik we ylalaşyk döretmekdir

Eýran Yslam Respublikasynyň Prezidenti Yrakdaky üç günlük saparynyň maksatlaryny Eýran döwletiniň esasy maksady tutuş Yslam ymmatynyň agzybirligi, jebisligi we ylalaşygydir diýdi.

IRNA habar gullugynyň habaryna görä, Eýran Yslam Respublikasynyň Prezidenti Masud Pezeşkian üç günlük saparynyň maksatlaryny ýekşenbe güni agşam kürt dilinde iberen habarynda düşündirdi we Eýran Yslam Respublikasy bilen Yrak arasynda 14 hyzmatdaşlyk şertnamasyna gol çekilendigini habar berdi.

Pezeşkian bu habarynda, "Dostlukly we goňşy ýurt Yraga üç günlük sapary wagtynda öňe süren maksatlary agzybirlik, ajebislik we raýdaşlyk maksady bilen amala aşyryldy we bu saparyň dowamynda Tähran bilen Bagdadyň arasynda 14 hyzmatdaşlyk memorandumy gol çekildi.

Eýran Yslam Respublikasynyň prezidenti habaryny dowam etdirip, Eýranyň derwaýys meselesi, Eýran Yslam Respublikasy bilen Yragyň arasyndaky ikitaraplaýyn gatnaşyklarda umumy bir dile we düşünje ýetmek we Bagdatda iki ýurduň arasynda agzybirlige we jebislige sebäp boljak gowy duşuşyklary geçirmekdir diýdi.

Çarşenbe güni (11-nji sentýabr) Eýran Yslam Respublikasynyň prezidenti Masud Pezeşkian ilkinji daşary ýurda sapary wagtynda syýasy we ykdysady işgärleriň ýokary derejeli wekiliýetiniň başynda Bagdada bardy we Yragyň premýer-ministri Muhammet Şia al-Sudani tarapyndan resmi taýdan garşylandy.