Eýran bilen Ýewropa ýurtlarynyň arasynda sanksiýalary ýatyrmak üçin gepleşiklere başlamak baradaky ylalaşyk

Eýranyň Daşary işler ministrliginiň kanuny orunbasary üç sany Ýewropa döwleti bilen sanksiýalary ýatyrmak baradaky gepleşikleri dowam etdirmek barada ylalaşygyň bolandygyny yglan etdi.

IRNA-nyň habaryna görä, Eýranyň Daşary işler ministrliginiň kanuny we halkara orunbasary Kazem Garib Abadi X kanalynda şeýle ýazdy: Eýran bilen üç Ýewropa ýurtlarynyň (Angliýa, Fransiýa, Germaniýa) gepleşikleriniň üçünji tapgyry Ženewada geçirildi.

Garib Abadi sözüniň dowamynda bu gepleşikler çynlakaý, aç-açan we netijeli boldy; Käbir jikme-jikliklere girenimizde, ylalaşyk gazanmak üçin zerur bolan ýadro meselesi we sanksiýalary ýatyrmagyň iki ugry boýunça pikirler ara alnyp maslahatlaşyldy.

Eýranyň Daşary işler ministrliginiň kanuny we halkara orunbasary şeýle-de gepleşikleriň täzeden başlamalydygy we ylalaşyk gazanmak üçin ähli taraplar tarapyndan amatly atmosferanyň döredilmegi we goldanylmalydygy barada ylalaşyk gazanyldy diýdi.

Ondan öň Eýran Yslam Respublikasynyň Daşary işler ministri Tähranyň ýadro programmasy bilen baglanyşykly haýal etmän konstruktiw gepleşiklere taýýardygyny aýdypdy.