Eýran we Türkmenistan ikitaraplaýyn hyzmatdaşlygy giňeltmegi nygtaýarlar

Eýranyň we Türkmenistanyň Daşary işler ministrleri ikitaraplaýyn hyzmatdaşlygy giňeltmäge we sebitdäki howplara garşy durmaga ünsi çekdiler.

Tähranda Eýran-Türkmenistan döwürleýin syýasy geňeş maslahaty iki ýurduň daşary işler ministrleri Seýid Abbas Aragçi we Raşid Meredowyň ýolbaşçylygynda geçirildi we gatnaşyklaryň dürli taraplary we ikitaraplaýyn gatnaşyklaryň ösüş prosesi, şeýle hem sebit we halkara arenalarynda iki ýurduň arasyndaky ösüş we hyzmatdaşlyk gözden geçirildi.

Pars Today -iň habaryna görä, Eýranyň Daşary işler ministri Eýran bilen Türkmenistanyň arasyndaky taryhy we dostlukly gatnaşyklara salgylanyp, iki ýurduň liderleriniň ikitaraplaýyn gatnaşyklary we dürli ugurlardaky hyzmatdaşlygy giňeltmekde hereketlendiriji faktor hökmünde kesgitlemegine ünsi çekdi.

Araqçi, şeýle hem sebitdäki wakalara salgylanyp, Eýran bilen Türkmenistanyň arasynda sebit meseleleri boýunça geňeşmeleri güýçlendirmäge çagyrdy.

Türkmenistanyň Daşary işler ministri hem, Eýranyň resmileri bilen geçirilen duşuşyklardan we gepleşiklerden kanagatlanýandygyny mälim edip, iki ýurduň arasyndaky yzygiderli gepleşikleriň dowam etdirilmegini ikitaraplaýyn gatnaşyklary hemmetaraplaýyn ösdürmegiň zerurlygy hasaplady.

Eýran bilen Türkmenistanyň arasyndaky syýasy hyzmatdaşlyk elmydama gaty gowy tendensiýa eýe boldy, şonuň üçin Eýran Yslam Respublikasy, Türkmen hökümetiniň bitaraplyk syýasatyny yglan etmegi göz öňünde tutup, bu ýurduň oňyn bitaraplyk pozisiýasyny goldady we Türkmenistanyň başlangyjy bilen döredilen "Parahatçylyk, howpsuzlyk we durnukly ösüş üçin bitarap dostlar toparyna" goşuldy.