Eýran, Günbataryň adam hukuklary boýunça saýlama çykyşlaryny tankytlaýar
Eýranyň Daşary işler ministri käbir günbatar taraplaryň adam hukuklary meselesinde goşa we saýlama hereketlerini tankytlady.
Pars Today -iň habaryna görä, Eýranyň Daşary işler ministri Seýid Abbas Aragçi ýaragsyzlanmak baradaky konferensiýanyň we Birleşen Milletler Guramasynyň Ženewada geçirilen konferensiýasynyň çäginde adam hukuklary boýunça ýokary komissar Wolker Türk bilen duşuşanda Eýran Yslam Respublikasynyň dolandyryş ulgamynda we Konstitusiýada adam hukuklarynyň we adam mertebesiniň ýokary derejesine ünsi çekip, Eýran Yslam Respublikasynyň bu ugurda hiç hili tagalladan göwre çekmejekdigini aýtdy.
Käbir Günbatar taraplaryň adam hukuklary meselesinde goşa we saýlama hereketlerini tankyt eden Araqçi, Amerikanyň Birleşen Ştatlarynyň we käbir beýleki günbatar ýurtlarynyň basyp alnan Palestindäki adam hukuklarynyň we ynsanperwerlik hukuklarynyň yzygiderli we gödek bozulmagyna halkara jemgyýetçiligi üçin utanç çeşmesi hökmünde garamak bilen bu goşa çemeleşmeleriň, bu ýurtlaryň adam hukuklary şygarlaryny düýbünden abraýdan düşürendigini we Sionist režiminiň halkara derejesinde agyr jenaýatlar edendigini aýtdy.
Eýranyň Daşary işler ministri, şeýle hem, Eýran bilen Adam Hukuklary boýunça Ýokary Komissarlygyň edarasynyň arasyndaky gatnaşyklary ýada saldy we Eýranyň bu gatnaşyklary dowam etdirmäge taýýardygyny mälim etdi.
Birleşen Milletler Guramasynyň Adam Hukuklary boýunça Ýokary Komissary Wolker Türk, Adam Hukuklary Geňeşiniň ýokary derejeli ýygnagynyň başynda eden hasabatyna salgylanyp, Adam hukuklarynyň esaslaryna we ülňülerine howp salýan käbir global tendensiýalaryň güýçlenmegine alada bildirdi we ähli hökümetleriň adam hukuklary babatynda halkara hukuk borçnamalaryny ýerine ýetirmeginiň möhümdigini aýtdy.
Ýaragsyzlanmak baradaky konferensiýanyň we Birleşen Milletler Guramasynyň Adam Hukuklary Geňeşiniň ýokary derejeli ýygnagyna gatnaşmak üçin Ženewa giden Eýranyň Daşary işler ministri, sammite gatnaşýan birnäçe ýokary derejeli syýasy işgär, şol sanda BMG-nyň Baş sekretary Antonio Guterreş bilen duşuşdy we söhbetdeş boldy.