Eýran bilen Russiýa bilelikdäki ykdysady komissiýa döretmäge taýýarlanýar

Eýranyň Moskwadaky ilçisi bilen Russiýanyň energiýa ministriniň arasynda geçirilen duşuşykda iki ýurduň 18-nji bilelikdäki ykdysady komissiýasynyň 2-nji Aprildan 6-njy April aralygynda Moskwada geçirilmegi barada ylalaşyldy.

Russiýanyň Energetika ministri Sergeý Siwliýew duşenbe güni agşam Eýranyň Moskwadaky ilçihanasynda Eýranyň ilçisi Kazem Jelali bilen duşuşdy we söhbetdeş boldy.

Pars Today -iň habaryna görä, bu ýygnakda iki ýurduň 18-nji bilelikdäki ykdysady komissiýasyny 2-nji Aprildan 6-njy April aralygynda Moskwada geçirmek barada ylalaşyldy.

Bu duşuşygyň dowamynda Nebit ministri we Bilelikdäki Ykdysady Komissiýanyň Eýran tarapynyň başlygy Mohsen Paknejad rus kärdeşi bilen telefon arkaly gürleşdi.

Bu telefon jaňynda Sergeý Siwliýew we Mohsen Paknejad iki ýurduň arasyndaky Ykdysady hyzmatdaşlyk boýunça 18-nji bilelikdäki komissiýanyň taýýarlyklary we energiýa pudagynda ikitaraplaýyn gatnaşyklaryň geljegi barada pikir alyşdylar.

Taraplar, ösýän gatnaşyklaryň tendensiýasyndan kanagatlanma bildirmek bilen, ýakyn wagtda geçiriljek komissiýanyň has netijeli durmuşa geçirilmegine ünsi çekdiler.