Aragçi: Hoşniýetlilik we realizm dowam etse gepleşiklerde netijelere ýetmek mümkinçiligi bar

Eýranyň Daşary işler ministri, italýan kärdeşi bilen telefon arkaly söhbetdeşlikde bu ýurduň Oman bilen Eýran-ABŞ gepleşiklerini geçirmekdäki utgaşdyrylyşyna ýokary baha bermek bilen, hoşniýetlilik we realizm dowam etse, gepleşiklerde netijelere ýetmek mümkinçiligi bar diýdi.

Pars Today -iň habaryna görä, Eýran-ABŞ gytaklaýyn gepleşikleriniň ikinji tapgyryna gatnaşmak üçin Rime giden Eýranyň Daşary işler ministri Seýid Abbas Aragçi Tährana gaýdyp barmazdan ozal telefon arkaly geçirilen gepleşikleriň netijesi barada Italiýanyň Daşary işler ministri Antonio Tajani bilen söhbetdeş boldy we şenbe güni geçirilen gepleşikleriň netijesi barada oňa habar berdi.

Eýranyň Daşary işler ministri, italýan kärdeşine Oman bilen bu gepleşikleri geçirmek üçin hyzmatdaşlygy we utgaşdyrmagy üçin minnetdarlyk bildirip, ony konstruktiw diýip häsiýetlendirdi we realizm we hoşniýetlilik dowam etse, netijelere ýetip boljakdygyny aýtdy.

Italiýanyň Daşary işler ministri, Eýranyň jogapkärli çemeleşmesine ýokary baha berdi we Eýran Yslam Respublikasynyň Daşary işler ministrine şenbe güni geçirilen gepleşikleriň netijeleri barada habar berenligi üçin minnetdarlyk bildirip, Italiýanyň bu ýoly dowam etdirmekde islendik kömegi bermäge taýýardygyny aýtdy.