Ýadro energiýasy; Eýranyň ösüşine itergi beriji güýç we milli abraýyň nyşanydyr

Eýranyň Atom Energiýasy Guramasynyň başlygy Ýadro tehnologiýasynyň ýurduň ösüşindäki strategiki ornuna ünsi çekip, bu pudak üçin elitanyň gatnaşmagynda 20 ýyllyk resminamanyň düzülendigini yglan etmek bilen baýlaşdyrmak ýadro senagatynyň esasy özeni we Eýranyň garaşsyzlygynyň nyşanydyr diýdi.

Pars Today habar gullugynyň habaryna görä, Eýranyň Atom Energiýasy Guramasynyň başlygy Muhammet Eslami duşenbe güni Eýranyň elitalary bilen duşuşygynda baýlaşdyrmak güýç we senagatlaşmagyň özenidir we onsuz ýadro işleri laboratoriýa derejesinde galýar diýip yglan etdi.

Eýranyň Atom Energiýasy Guramasynyň başlygy şeýle-de gegemon režimiň Eýranyň ýadro ösüşine garşylygy barada durup geçip, duşmanlar ajaýyp zehinleri we baý ätiýaçlyklary bilen Eýranyň güýç gurallary bilen üpjün edilmegini islemeýärler diýdi.

Eslami Eýranyň günortasyndaky Buşehr atom elektrik stansiýasynyň gazananlaryna ünsi çekdi we şeýle diýdi: Bu elektrik bekedi soňky 10 ýylda 72 milliard kilowat sagat elektrik öndürdi, bu 110 million barrel nebit tygşytlamaga deňdir.

Eýranyň Atom Energiýasy Guramasynyň başlygy şeýle hem Buşehr elektrik stansiýasy howpsuzlyk nukdaýnazaryndan dünýäniň iň gowy 8 elektrik stansiýasynyň biridir we her ýylda 80 million kub metr hapalaýjy maddalaryň çykmagynyň öňüni alýar diýdi.

Eýranyň wise-prezidenti ýadro däl energiýa programmalary barada-da gürrüň gozgap Eýranyň oba hojalyk önümleriniň 30 göterimi galyndy hökmünde ýitýär, ýöne bu görkeziji şöhlelendiriş tehnologiýasy bilen azaldylyp bilner diýdi. Eslami sözüniň dowamynda häzirki wagtda ýylda 500 000 adamyň şöhlelendiriş kuwwaty döredildi we hususy sektora gatnaşmaga çagyryldy diýdi.

Lukmançylyk pudagynda ýadro energiýasynyň ulanylyşy barada hem Eýranyň Atom Energiýasy Guramasynyň başlygy gürrüň gozgap ýurduň 230 lukmançylyk merkezi Eýranyň radiofarmasewtiki serişdelerini ulanýar we bu önümler 15 ýurda eksport edilýär diýdi. Eslami şeýle-de sanksiýalar bolmadyk bolsa, 30 ýurt Eýranyň radiofarmasewtikasynyň hemişelik müşderisi bolardy diýip yglan etdi.

Atom energiýasy guramasynyň başlygy Eýranyň sowuk plazma tehnologiýasyndaky ösüşlerini yglan etmek bilen bu tehnologiýa rak we süýji keselini bejermekde ulanylýar we häzirki wagtda ýurtda 6 işjeň merkez hyzmat edýär diýdi.