Eýranyň Hytaýdaky ilçisi: Gepleşiklerden gorkamzok

Eýranyň Hytaýdaky ilçisi, Tähranyň ABŞ bilen gepleşik stolundan hiç haçan çykmandygyny we gepleşikleri dowam etdirmek üçin häzirki şertleri amatly hasaplamaýandygyny aýtdy.

Pars Today habar gullugynyň habaryna görä, Abdolreza Rahmani Fazli Sionist režimeiň Eýrana garşy agressiýasyndan soň Hytaýyň Eýrana berýän goldawyna minnetdarlyk bildirip, Hytaý ilkibaşdan Eýranyň toprak bitewiligine we milli özygtyýarlylygyna garşy agressiýany ýazgardy we bu ugurda köp diplomatik tagalla etdi diýdi.

Amerikalylar bilen gepleşikleriň dowam etdirilmegi barada Eýranyň Hytaýdaky ilçisi şeýle diýdi: Biz hiç haçan gepleşik stolundan çykmadyk we Eýranyň parahatçylykly ýadro işleri kanuna esaslanýar we ähli halkara we gorag kadalaryna we kanunlaryna esaslanýar, bu mesele boýunça gepleşiklerden we çekişmelerden gorkmaýarys.

Rahmani Fazli şeýle-de Amerikalylaryň ýadro ylalaşykdan birtaraplaýyn yza çekilmegi we soňky gytaklaýyn gepleşiklerde beren wadalarynyň bozulmagy barada gürrüň gozgap, gepleşiklerden gorkamzok we hemişe gepleşik geçirmäge taýýar, ýöne häzirki ýagdaý gepleşikler üçin amatly däl diýdi.

Rahmani Fazli, Eýranyň mejlisinde Eýranyň Halkara Atom Energiýasy Guramasy bilen hyzmatdaşlygyny çäklendirýän kanunyň tassyklanmagyna ünsi çekmek bilen mejlisimiz gepleşikleri togtatýan kanuny tassyklady diýdi. Şonuň üçin häzirki ýagdaýyň nähili öňe gitjekdigine garaşarys, garşydaş taraplar ýalňyşlyklaryny düzederler, bahana etmegi bes ederler we kanuna boýun bolarlar diýip umyt edýärin, şeýle ýagdaýda gepleşikleriň mümkinçiligine serederis diýdi.