Eýran Ýewropa ýurtlarynyň 3-siniň Snapbackden nädogry peýdalanmagy barada duýduryş berdi

Eýran Yslam Respublikasynyň Daşary işler ministri BMG-nyň Baş sekretaryna ýazan hatynda üç Ýewropa döwleti, özleri kabul etmedik kararyndan hyýanatçylykly peýdalanmak bilen BMG Howpsuzlyk Geňeşiniň ygtybarlylygyny sorag astyna alyp bilmez diýdi.

Seýid Abbas Aragçi BMG-nyň Baş sekretary Antonio Guterreş, Howpsuzlyk Geňeşiniň prezidenti, EUB-iň ýokary wekili Kaia Kallas we BMG Howpsuzlyk Geňeşiniň agzalaryna üç Ýewropa döwletiniň ýadro şertnamasy we Howpsuzlyk Geňeşiniň 2231-nji rezolýusiýasynyň (2015-nji ýylda kabul edilen) mehanizmlerini işjeňleşdirmek üçin kanuny, syýasy ýa-da ahlak taýdan kanunylygynyň ýokdugy barada ýazan hatynda, üç Ýewropa döwleti (E3), hereketleri we beýannamalary, şol sanda Ysraýyl we ABŞ režimleriniň soňky döwürde bikanun harby çozuşyna syýasy we maddy goldaw bermek arkaly ýadro şertnamasyna “gatnaşyjy” höküminde statusyny netijeli ýitirdi; ýadro şertnamasynyň esasy ýörelgelerini bozdy; we üznüksiz we uzak möhletleýin borçlaryny ýerine ýetirmediler diýdi.

Eýranyň Daşary işler ministri sözüniň dowamynda şonuň üçin Howpsuzlyk Geňeşiniň ýatyrylan kararlaryny dikeltmek baradaky islendik synanyşygy hakyky däl we kanuny taýdan güýje girmeýär diýdi.

Şol bir wagtda Russiýanyň Wenadaky halkara guramalarynyň hemişelik wekili Mihail Ulyanow Ýewropa Troikasynyň (Angliýa, Fransiýa we Germaniýa) Snapback mehanizmini işjeňleşdirmek üçin ahlak ýa-da kanuny hukugy ýokdyr diýdi.

Mihail Ulyanow, Eýran Yslam Respublikasynyň Daşary işler ministri Seýid Abbas Aragçiniň habaryna jogap edip, X sosial media hasabynda şeýle ýazdy: Hakykatdanam, Ýewropanyň üç ýurdunyň Eýrana garşy sanksiýalaryny gaýtadan girizmek üçin "yza gaýtmak ýa-da herekete getirmek mehanizmi" diýlip atlandyrylýan kanuny ýa-da ahlak hukugy ýokdyr diýip yglan etdi.