Eýranyň Daşary işler ministri: Gazanyň halky Yslam ýurtlarynyň manyly goldawyna garaşýa

Eýranyň Daşary işler ministri Yslam Hyzmatdaşlyk Guramasynyň Daşary işler ministrleri geňeşiniň adatdan daşary ýygnagynda kärdeşlerine Gazanyň halkynyň manyly goldawyna garaşýandyklaryny ýatlatdy we tutanýerliligi bizi diňe bir söz bilen däl, eýsem hereketde-de berk durmaga çagyrýar diýdi.

Duşenbe güni (25-nji awgust) Saud Arabystanynyň Jidda şäherinde Yslam Hyzmatdaşlyk Guramasyna agza ýurtlaryň daşary işler ministrleriniň adatdan daşary ýygnagy geçirildi. Eýranyň Daşary işler ministri Seýid Abbas Aragçi sionist  režimiň Gazadaky hereketlerini ýazgardy we olary "genosid alamatlary bilen köpçülikleýin jeza" diýip häsiýetlendirdi.

Dördünji Ženewa konwensiýasyna salgylanyp, Aragçi Ysraýyl režiminiň parahat ilaty nyşana almak, öýleri ýykmak we ilaty zor bilen geçirmek ýaly hereketlerini uruş jenaýaty hasaplady we yslam ýurtlaryny bu režime basyş etmek üçin ähli syýasy, diplomatik we ykdysady gurallary ulanmaga çagyrdy.

Eýran Yslam Respublikasynyň Daşary işler ministri Ysraýyl bilen köşeşmegiň hiç hili netije bermändigini belläp: Palestinde uruş jenaýatlaryna we genosidine gatnaşan ýa-da amala aşyran ähli adamlara garşy ähli derejelerde, her kazyýetde jogapkärçilik çekmelidiris we Gazadaky uýalarymyzyň we doganlarymyzyň ganhorlary bilen ähli gatnaşyklary derrew kesmeli diýdi.

Bu duşuşygyň çäginde Aragçi Yrak, Päkistan, Saud Arabystany, Bahreýn we beýleki kärdeşleri bilen duşuşdy we pikir alyşdy.