Aragçi: Palestina halkynyň garşylygy öwgä mynasypdyr

Eýranyň Daşary işler ministri Hamasyň ýolbaşçy geňeşiniň we syýasy býurosynyň agzalary bilen geçirilen ýygnakda palestina halkynyň Sionist režiminiň görlüp-eşidilmedik jenaýatlaryna garşy alyp barýan meşhur garşylygyny öwdi.

Syýasy býuronyň agzasy we Gazadaky Palestina Yslam Garşylyk Hereketiniň (Hamas) başlygy "Halyl al-Haýýa" we hereketiň ýolbaşçy geňeşiniň agzalary Doha şäherine giden Eýranyň Daşary işler ministri "Seýid Abbas Aragçi" bilen duşuşdy we söhbetdeş boldy.

Pars Today -iň habaryna görä, bu ýygnakda Eýranyň Daşary işler ministri palestina halkynyň Sionist režiminiň görlüp-eşidilmedik jenaýatlaryna garşy alyp barýan meşhur garşylygyny öwdi we Eýran Yslam Respublikasynyň palestina halkynyň hukuklary doly durmuşa geçirilýänçä, basyp alyşlyga garşy kanuny we berhak garşylygyny goldamakda Eýran Yslam Respublikasynyň prinsipial pozisiýasyna ünsi çekdi.

Aragçi şeýle-de Sionist režimiň Gazadaky we Iordan derýasynyň günbatar kenaryndaky jenaýatlarynyň möwjemegine, şol sanda Gazanyň bigünä halkyna açlyk girizmek we azyk paýlanyş liniýalarynda aýal-gyzlary öldürmek bilen baglanyşykly, Ysraýyl režiminiň jenaýatlaryna garşy nägilelik bildirip, dünýäniň dürli ýurtlarynda protestleriň we ýörişleriň ýaýramagy halkara jemgyýetçiliginiň basyp alnan Palestindäki genoside oýanmagynyň aýdyň alamatydyr we genosidi duruzmak, gabaw astyndaky adamlara gyssagly ynsanperwer kömegini ibermek we jenaýatçylykly Sionist režiminiň ýolbaşçylaryny synamak we jezalandyrmak üçin yslam ýurtlary tarapyndan utgaşdyrylan we hemmetaraplaýyn hereketleriň dowam etdirilmeginiň zerurdygyny aýtdy.