Eýran we Oman Gazadaky genosidi duruzmak üçin gyssagly global çärä ünsi çekýärler

Eýran Yslam Respublikasynyň we Omanyň Daşary işler ministrleri telefon arkaly söhbetdeşlikde halkara jemgyýetçiliginiň Gazadaky genosidi duruzmak we ezilen palestina halkyna kömek bermek üçin gyssagly çäre görmelidigini aýtdylar.

Pars Today-iň habaryna görä, Eýran Yslam Respublikasynyň Daşary işler ministri Seýid Abbas Aragçi we Omanyň Daşary işler ministri Seýid Badr Al-Busaid telefon arkaly söhbetdeşlikde ikitaraplaýyn gatnaşyklar we sebitdäki wakalar barada pikir alyşdylar.

Bu telefon söhbetdeşliginde iki tarap sebitdäki wakalary, esasanam basyp alnan Palestindäki ýagdaýy we Gazadaky genosidiň dowamyny gözden geçirip, halkara jemgyýetçiliginiň genosidi duruzmak, ezilen palestina halkyna kömek bermek we Sionist režiminiň jenaýatçy ýolbaşçylaryny jogapkärçilige çekmek we jezalandyrmak üçin gyssagly çäre görmegiň zerurdygyny aýtdylar.