Welaýaty: Eýran bilen Hytaýyň gatnaşyklarynyň strategik we çuňňur kökleri bar

Yslam Rewolýusiýasynyň Lideriniň geňeşçisi Hytaýyň ilçisi bilen duşuşykda Eýran bilen Hytaýyň arasyndaky taryhy we tapawutly gatnaşyklaryň çuňlugyny nygtamak bilen iki ýurduň arasyndaky gatnaşyklaryň strategik we çuňňur kökleri bardygyny aýtdy.

Yslam Rewolýusiýasynyň Lideriniň geňeşçisi Ali Akbar Welaýaty Hytaýyň Tährandaky ilçisi žuň Peýwu bilen duşuşyp, Eýran bilen Hytaýyň arasyndaky taryhy we tapawutly gatnaşyklaryň çuňlugyny nygtady.

Bu duşuşykda iki tarap Eýran Yslam Respublikasy bilen Hytaýyň arasyndaky strategik gatnaşyklaryň pugtalandyrylmagyny we giňeldilmegini nygtadylar we sebitleýin we halkara wakalar barada pikir alyşdylar. Iki tarap şeýle hem ikitaraplaýyn gatnaşyklar, halkara we sebitleýin wakalar, esasanam ABŞ-nyň ekspansionizmi we dünýäniň dürli künjeklerine goşulyşmagy, şeýle hem Waşingtonyň Gazadaky sionist režiminiň jenaýatlaryna goldaw bermegi barada pikir alyşdylar.

Bu duşuşykda Welaýaty Eýran bilen Hytaýyň arasyndaky taryhy we tapawutly gatnaşyklaryň çuňlugyna salgylanyp, şeýle diýdi: Iki ýurduň arasyndaky gatnaşyklaryň strategik we çuňňur kökleri bar we olaryň arasyndaky hyzmatdaşlyk sebitleýin we global wakalary göz öňünde tutup has-da giňelip biler.