Hytaý: Biz Eýranyň ýadro energiýasyny parahatçylykly ulanmak hukugyny goldaýarys

Hytaýyň Daşary işler ministrligi çarşenbe güni bu ýurduň daşary işler ministri eýranly kärdeşi bilen telefon arkaly gürleşeninden soň beýanat berdi we Pekiniň Eýran Yslam Respublikasynyň ýadro energiýasyny parahatçylykly ulanmak hukugyny goldaýandygyny yglan etdi.

Hytaýyň Daşary işler ministrliginiň beýanatynda Wang Ýiniň eýranly kärdeşi Seýýid Abbas Aragçy bilen telefon arkaly gürleşende Eýranyň ýadro meselesini çözmegiň başarnyksyzlygynyň halkara jemgyýetçiliginiň bähbitlerine laýyk gelmeýändigini aýdandygy aýdylýar. Beýanatda Wang Ýiniň Hytaýyň "Eýranyň ýadro energiýasyny parahatçylykly ulanmak hukugyny" goldaýandygyny hem nygtaýandygy aýdylýar.

Hytaýyň daşary işler ministri şeýle diýdi: Pekin Eýranyň ýadro meselesini gepleşik ýoluna gaýtarmak üçin ähli taraplaryň dialog we aragatnaşyk saklamagyna umyt edýär.

Eýranyň daşary işler ministri hem Hytaýyň BMG-niň Howpsuzlyk Geňeşinde "snapback" prosesini bikanun diýip yglan etmekdäki jogapkärli we prinsipial pozisiýasyna minnetdarlyk bildirip, bu telefon söhbetdeşliginde hytaýly kärdeşi bilen ikitaraplaýyn gatnaşyklaryň soňky ýagdaýy we sebitleýin we halkara özgerişleri barada ara alyp maslahatlaşdy we pikir alyşdy.