Eslami: Eýranda 3 ýylda 500 ýadro we ylmy üstünlik hasaba alyndy

Eýranyň Atom Energiýasy Guramasynyň başlygy bu guramanyň 3 ýylda 500 ýadro, ylmy, tehnologik we senagat üstünligini hasaba alandygyny yglan etdi.

Eýranyň Atom Energiýasy Guramasynyň başlygy “Muhammet Eslami” anna güni şeýle diýdi: Duşmanlaryň Eýrana garşy goýan ähli howplaryna we sanksiýalaryna garamazdan, ýurduň harby, ýadro, kosmos we beýleki senagat pudaklaryndaky ösüşi adatdan daşary we gudratly boldy.

Pars Today-iň habaryna görä, ol şeýle sözüni goşdy: Bu pudaklar sanksiýalara sezewar edildi, ýöne Yslam Rewolýusiýasynyň Lideri Ymam Hameneýiniň çuňňur we paýhasly garaýşy, şeýle hem bu garaýşa we mekdebe ygrarlylygy duşmanlaryň çydap bilmejek üstünliklerine getirdi.

Soňky üç ýylyň dowamynda Eýranyň Atom energiýasy guramasy tarapyndan 500 ýadro, ylmy, tehnologiki we senagat üstünlikleriniň hasaba alnandygyny aýdan Eslami şeýle düşündirdi: Bu önümleri bize hiç kim satmady we satmaz; şu günki gün Eýranyň Atom energiýasy guramasynda öndürilýän önümler erkin işleýän we islendik gadagançylyklardan ýa-da çäklendirmelerden azat bolan ösen ýurtlar bilen deň derejededir.