Eýran bilen Pakistanyň araçäginiň berkidiljekdigi
Eýranyň daşary işler ministri Pakistan bilen Eýranyň ortak araçäginiň berkidilmegi we bu serhetlerde harby güýçleriň sanyny artdyrmak barada Pakistanly resmileri bilen gepleşikleriniň geçirilýändigini yglan etdi.
Irna habarlar gullugynyň beren habaryna görä,Eýranyň daşary işler ministri Muhammet Jawad Zarif Eýranyň günorta gündogarynda ýerleşen Mirjawa serhedinde ogurlanan Eýranly serhet goraýjylar hakynda edilen işler barada beren gürrüňlerinde Eýranyň Pakistandaky ilçihanasynyň,Pakistanyň Eýrandaky ilçihanasynyň,Eýranyň içeri we goranmak ministrleriniň Mirjawa serhedinde terrorçylar tarapyndan ogurlanan besijileriň we serhet gullukçylaryň ýagdaýyny yzarlap durandyklaryny habar berdi.
Zarif şeýle-de ogurlanan Eýranly serhet goraýjylary barada Pakistan döwleti bilen bolýan hyzmatdaşlyklara yşarat edip Pakistan döwleti bu ýurtda terrorçylaryň bolmaklary we serhet goraýjylaryň janlaryny goramak barada jogapkärdir diýdi.
15-nji Oktýabrda Mirjawa serhedinde Eýranly serhet goraýjy ýerli serhet gullukçylaryň bir topary terrorçy toparyň agzalary tarapyndan ogurlandylar we Pakistana geçirildiler.
