Zarif Pakistan saparyny gutaryp Tehrana dolandy

ýokary derejeli bir topara baştutanlyk edip Pakistana sapar eden Eýranyň daşary işler ministri Muhammet Jawad Zarif bu ýurdyň syýasy we harby resmileri bilen duşuşyp maslahat geçireni soňra öten agşam Tehrana gaýdyp geldi.

Eýranyň daşary işler ministri Muhammet Jawad Zarif Eýranyň Mirjawa serhedinde ogurlanan serhet gullukçylaryň ýagdaýyny yzarlamak maksady bilen düýn ertir bilen Yslamabada barypdy.

Al-Alam tele ýaýlymynyň beren habaryna görä,Zarif Yslamabatda Pakistanyň premýer ministri Omranhan,daşary işler ministri Şah Mahmut Goreýşi we bu ýurdyň goşunynyň gury ýer güýjüniň serkerdesi Gamar Jawid Bajuwa bilen duşuşyp maslahatlaşandyr.

Eýranyň daşary işler ministri Eýrana dolanmazdan öňürti Yslamabatda habarçylaryň arasynda beren gürrüňlerinde Pakistan resmileriniň ogurlanan Eýranly serhet gullukçylary terrorçy toparynyň elinden halas etmäge söz berendiklerini aýtdy.

Eýranyň daşary işler ministri şeýle-de Pakistan resmileri bilen iki taraplaýyn gatnaşyklary ösdürmek hemde sebitleýin meseleler şol sanda Ýemen we Owganystan barada gürrüň edenligini beýan etdi.